QR IDM sybaılas jemqorlyqqa neǵurlym ushyraǵan bólimsheleri ataldy
ASTANA. QazAqparat - QR Investıtsııalar jáne damý mınıstrligindegi sybaılas jemqorlyqqa ushyraǵan qurylymdyq bólimshesi bolyp, kóliktik baqylaý ınspektsııasy jáne ındýstrııalyq damý jáne ónerkásip qaýipsizdigi departamentteri ataldy. Bul týraly QR IDM-de ótken jańa sybaılas jemqorlyqqa qarsy strategııany júzege asyrý jáne sybaılas jemqorlyqqa qarsy turý máselelerine arnalǵan keńeste QR Ulttyq sybaılas jekmqorlyqqa qarsy turý últtyq bıýrosy tóraǵasynyń orynbasary Alık Shpekbaev aıtty.
Aımaqtyq bólinister týraly aıtar bolsaq, 2015 jyly Ońtústik Qazaqstan, Almaty, Shyǵys Qazaqstan, Batys Qazaqstan oblystary men Almaty qalasy ınvestıtsııa jáne damý salasynda sybaılas jemqorlyqqa kóbirek ushyraǵan.
Keńeste osy jyldan bastap iske asyryla bastaǵan jańa sybaılas jemqorlyqqa qarsy tetikter túsindirildi. Oardyń arasynda sybaılas jemqorlyqqa monıtorıng, sybaılas jemqorlyq táýekelderine taldaý, sybaılas jemqorlyqqa qarsy aǵartýshylyq jumys, sybaılas jemqorlyqty shekteý standarttary, qarjylyq baqylaý qorlary jáne basqalary bar.
Ásirese jańa Ádep kodeksi belgilegen moraldyq-etıkalyq prıntsıpterge erekshe kóńil aýdaryldy, onyń ishinde syılyqtar alý jáne memlekettik qyzmetkerlerdiń minez-qulyq standarttaryn saqtaý jaıyna nazar aýdaryldy.
«Mınıstrlik qyzmetkerlerine sybaılas jemqorlyqqa batqan olardyń áriptesterin ustaý faktileri boıynsha beınematerıaldar kórsetildi. Sybaılas jemqorlyq úshin sottalǵandardyń jáne qazirgi kezde bas bostandyǵynan aıyrý oryndarynda jazalaryn ótep júrgen mınıstrlik jáne olardyń qurylymdyq bóldimsheleriniń burynǵy qyzmetkerleriniń ókinýi týraly beınejazbalar kórsetildi», - delingen QR sybaılas jemqorlyqqa qarsy turý ulttyq bıýrosy baspasóz qyzmetiniń habarlamasynda.
