QR IDM «sur sertıfıkattarmen» kúresý algorıtmin ázirledi
ASTANA. QazAqparat - Elimizdiń naryǵyna qaýipti ónimderdi kirgizbeý jáne «sur sertıfıkattardyń» birilgeni týraly faktilerge shuǵyl shara qoldaný maqsatynda QR IDM Tehnıkalyq retteý jáne metrologııa komıteti Memlekettik baqylaý organdary arasyndaǵy ózara is-qımyl algorıtmin ázirledi, dep habarlaıdy atalǵan vedomstvonyń baspasóz qyzmeti.
Algorıtmge sáıkes, Memlekettik kirister komıteti aı saıyn shartty túrde shyǵarylǵan taýarlardy qosa alǵanda, taýarlar ımporty boıynsha syrtqy saýda salasyndaǵy málimetterdi monıtorıngileý jáne berilgen sáıkestikti baǵalaý qujattar tizilimimen salystyrý úshin Tehnıkalyq retteý jáne metrologııa komıtetine joldaıdy. Júrgizilgen protsedýralar qorytyndysy boıynsha, komıtet óńdelgen málimetterdi óziniń aýmaqtyq departamentterine, sonymen qosa QR DSM Qoǵamdyq densaýlyq saqtaý komıteti men QR Qarjy mınıstrligi Memlekettik kirister komıtetine joldaıdy. Budan ári úsh komıtettiń aýmaqtyq departamentteri, Tehnıkalyq retteý jáne metrologııa komıteti óńdegen málimetterdiń negizinde qaýipti ónimderdi shyǵarý jáne ótkizýge jol bermeý sharalaryn qoldanady.
Qazirgi ýaqytta Tehnıkalyq retteý jáne metrologııa komıtetiniń Astana qalasy boıynsha departamenti algorıtmdi shuǵyl málimettermen almasý jáne ózara is-qımyl arqyly júzege asyrý tásilderi daıyndaldy. Sondaı-aq, Astana qalasynyń qoǵamdyq densaýlyq saqtaý departamentiniń ónimderi boıynsha júrgizilgen tekserýlerge departament qyzmetkerleriniń qatysýy týraly kelisimge qol jetkizildi.
