QR IDM komıtetiniń burynǵy basshysy sottaldy

ASTANA. QazAqparat - Para aldy degen aıypqa ilikken QR Investıtsııalar jáne damý mınıstrliginiń geologııa jáne jer qoınaýyn paıdalaný komıtetiniń burynǵy tóraǵasy Bazarbaı Nurabaevqa qatysty sot úkimi shyqty, dep habarlaıdy QazAqparat tilshisi.

«Nurabaev Bazarbaı Qanaıuly QR QK-niń 361-baby 3-bóligi jáne 366-baby 3-bóligi 3,4-tarmaqtary boıynsha kináli dep tanylsyn. 58-bapty eskere otyryp, Nurabaev Bazarbaı Qanaıulyna múlkiniń tárkilenýimen, memlekettik qyzmette jáne kommertsııalyq uıymda ómir boıy qyzmet etý quqyǵynan aıyra otyryp, 7 jyl 6 aı bas bostandyǵynan aıyrý jazasy taǵaıyndalsyn», - dedi sýdıa Ashat Áshirbekov.

Sonymen birge, «SK Petrolıým» JShS-men baılanysty aıyptaýǵa qatysty QR QK-niń 366 baby 3-bóligi 3,4-tarmaqtary boıynsha kinási dáleldenbegendikten, kinásiz dep tanyldy.

«Ol «Syrdarııa Qyzyl mıa» JShS-men baılanysty aıyptaýǵa qatysty QR QK-niń 366 baby 3-bóligi 3,4-tarmaqtary boıynsha aıyby dáleldenbegendikten aqtaldy dep tanylsyn. Nurabaev bas bostandyǵynan aıyrý jazasyn qylmystyq-atqarý júıesiniń qaýiptiligi ortasha mekemesinde ótesin», - degen sheshim shyǵardy sýdıa.