QR IDM Qoǵamdyq keńesiniń bıylǵy jumys jospary qabyldandy
«Otyrysta Qoǵamdyq keńestiń bıylǵy jumys jospary talqylanyp, qabyldandy. Atap aıtqanda, mınıstrliktiń bıýdjeti men strategııalyq jospary, ony oryndaýdyń barysy talqylandy.Tóraǵa mınıstrliktiń normatıvtik-quqyqtyq aktilerin qaraýǵa jáne bıýdjetin qalyptastyrýda belsendi jumys istegeni úshin Qoǵamdyq keńestiń keıbir múshelerine alǵys bildirdi»,-delingen atalǵan mınıstrliktiń habarlamasynda.
Sondaı-aq otyrysta, QR Investıtsııalar jáne damý mınıstrliginiń halyqtyń aldyndaǵy esebine Qoǵamdyq keńestiń de qatysýy talqylanyp, normatıvtik-quqyqtyq aktileriniń jobasy qaraldy. Osy rette ol boıynsha usynystar berildi jáne Qoǵamdyq keńestiń jumys reglamenti qabyldandy.
Aıta keteıik, bıyl aqpan aıynda baıqaý negizinde jasaqtalǵan QR IDM Qoǵamdyq keńesiniń quramyna kommertsııalyq emes uıymdardyń ókilderi men qoǵam qaıratkerleri kirdi. Keńestiń tóraǵalyǵyna QR Indýstrııa jáne saýda mınıstrliginiń burynǵy birinshi vıtse-mınıstri, qazirgi ýaqytta «Teńiz kóligi kásipkerleri qaýymdastyǵynyń» prezıdenti Aleksandr Andrıýşenko saılandy.