QR IDM qazaqstandyq týrısterge týrıstik kompanııalardyń qyzmetin paıdalaný erejeleri týraly jadnama usynady

Jalpy maǵlumattar :

Qazaqstan Respýblıkasynyń týrıstik qyzmet týraly zańdary Qazaqstan Respýblıkasynyń Konstıtýtsııasyna negizdeledi jáne Qazaqstan Respýblıkasynyń Azamattyq kodeksinen, osy Zańnan, Qazaqstan Respýblıkasynyń ózge de normatıvtik quqyqtyq aktilerinen turady. Eger Qazaqstan Respýblıkasy bekitken halyqaralyq shartta Qazaqstan Respýblıkasynyń týrıstik qyzmet týraly zańdaryndaǵydan ózgeshe erejeler belgilense, halyqaralyq shartta onyń qoldanylýy úshin zań shyǵarylýy talap etiletin jaǵdaılardy qospaǵanda, halyqaralyq sharttyń erejeleri qoldanylady.

Saparǵa daıyndyq:

Qazaqstan Respýblıkasynyń qoldanystaǵy zańyna sáıkes týrıstik ónimdi paıdalaný týraly shart jasasqanda týrıstik fırma qyzmetkeri qajetti jáne shynaıy aqparatty beredi.

Jaqsylap tanysyp alǵan jón:

- shart talaptarymen,

- tólem jasaý merzimi men tártibimen,

- tıisti qujattardy usyný merzimimen,

- Týrıstik ónimniń tutynýshylyq qasıetterimen, tasymaldaý jáne ornalastyrý, saqtandyrý talaptarymen,

- mekendeý baǵdarlamasymen,

- týrıstik ónimdi paıdalaný týraly shartta jáne ózge de qosymsha qujattarda kórsetilgen talaptarmen jáne ózge aqparattarmen.

Týrıstik ónimdi paıdalaný týraly shartty jasasqanda týrıstik fırma qyzmetkerinen kelesi aqparatty anyqtaǵan jón:

- tasymaldaý qujattaryn alý merzimi men tártibi.

MAŃYZDY! Týrıstik kompanııa usynǵan qujattarda baratyn jerge deıingi jáne qaıtar jolǵa bılet bolýy shart. Baǵyttyq kvıtantsııa emes, bılet bar ekenine kóz jetkizip alyńyz!

- áýejaıǵa, temir jol nemese saparjaıǵa kelý ýaqyty;

- tasymaldaýdyń ózge talaptary;

- saqtandyrý talaptary, saqtandyrý kólemi, saqtandyrý jaǵdaılary týyndaǵan kezdegi áreket tártibi;

- tasymaldaý sıpattamasy men erekshelikteri (qonaq úı), qonaq úıge ornalasý jáne ony bosatý ýaqyty.

Qujattardy alý kezinde onyń mazmunyna, aqparattyń, derekterdiń, teginiń durys jazylǵanyn tekserý qajet. Eger qate tabylsa birden týrıstik fırma qyzmetkerine habarlaǵan jón.

Saparǵa shyǵýǵa bir kún qalǵanda týrfırma qyzmetkerinen ushatyn áýejaı nemese saparjaı týraly, kóliktiń jolǵa shyǵý jáne ózge de aqparattardy anyqtaǵan durys.

Vızalyq elderge barǵanda, vızany resimdeýge qajetti qujattardy anyqtap alý kerek.

Ózge memleketterdiń shekarasyn ótkende, tranzıttik vızany resimdeý qajettiligin anyqtap alý qajet.

Ár týrıstiń sheteldik pasportynyń jaramdylyq merzimin tekserip alǵan abzal. Pasporttaǵy jazbalar men ózge qujattardyń sáıkestigin, tıisti mórlerdiń, sýrettiń bolýyn, túzetýlerdiń bolmaýyn teksergen jón.

Shetelge shyǵar aldynda saparǵa qatysýshylardyń barlyǵynda Qazaqstan Respýblıkasynyń aýmaǵynda oryndalmaǵan mindetterdiń bolmaýyn anyqtaý kerek.

Týrıstik fırma qyzmetkerinen Qazaqstan Respýblıkasynyń memlekettik shekarasynan jáne shetel shekarasynan ótýge qatysty erejeler týraly maǵlumat alǵan jón. Tıisti aqparatty ushatyn áýejaı telefondary boıynsha, bul áýejaıdyń saıtyna ornalastyrylǵan materıaldardan da bilýge bolady.

Kámelet jasqa tolmaǵan balalardy shekaradan ótkizýerejelerin, olardy shyǵarýǵa qajetti qujattardy ýaqytyly rásimdeý (onyń ishinde kámelet jasqa tomaǵan balany Qazaqstan Respýblıkasy aýmaǵynan shyǵarý ruqsaty da bar) qajet.

Týrfırma qyzmetkerinen Qazaqstan Respýblıkasy aýmaǵynan teńge nemese sheteldik valıýtada aqsha shyǵarý erejesin bilgen durys.

Týrıstik fırma qyzmetkerinen ýaqytsha mekendeý elinde adam ómirine qaýip tóndiretin jaǵdaılardyń bar-joǵyn surasyrǵan jón.

Áýe bıletterin satyp alǵan kezde mynaǵan nazar aýdarý kerek :

1.Ushýdan bas tartqan jaǵdaıda aqshanyń qansha somasyn qaıtaryp ala alasyz?

2.Bıletti aýystyryp alý múmkindigi bar ma?

3.Bıletti aýystyrǵanda qansha aqshańyzdan utylasyz?

4. Áýe bıletterin qaıtarýǵa bol ma?

Áýe bıletin satyp alǵan kezde tarıf erejelerimen tanysyńyz. Tarıf sharttary eger siz ushý ýaqytyn, baǵytyn ózgertip, bolmasa bıletti qaıtarǵanda kerek bolady. Eger siz ushaqqa bıletti ınternet arqyly alsańyz, onda jadnamany mindetti túrdi shyǵaryp alyńyz. Eger sizdiń suraqtaryńyz týyndasa, tarıftik sharttardy oqı alasyz.

Aýystyrý sharttary:

Tarıftik erejelerde «CHANGES» degen atpen bólim bar, onda aýystyrý sharttary jazylǵan.

Sonymen birge mynandaı bólimsheler bar:

«ANY TIME» bólimshesi, onda bıletti kez kelgen saǵatta aýystyrý nemese qaıtarý boıynsha talaptar belgilengen;

«BEFORE DEPARTURE» ushaq aspanǵa kóterilgenge deıin erejelerdi kórsetedi;

«AFTER DEPARTURE» ushý bastalǵannan keıin kúshine enetin erejeler. Reıske bıleti bolyp, jolaýshy ushaqqa kelmeı, ol týraly habarlamasa, onda onyń áreketi «NO SHOW» shartyna, ıaǵnı ózdiginen ushýdan bas tartý bolyp sanalady.

Sheteledegi týrıstiń quqyqtary :

1. Sheteldegi qonaq úıdiń ákimshiliginiń, týroperator onyń qonaq úıge ornalasýyna tólemegen jaǵdaıda, týrısti nemese onyń qujattaryn kúshtep ustaýǵa quqyǵy joq.

2. Sondaı jaǵdaı bolǵanda týrıske qabyldaýshy taraptyń ókiline nemese QR konsýldyq mekemesine barý kerek.

3. Sonymen birge, týrıst qonaq úıge kelgeni úshin qaıtalap ózi tóleýge quqyly. Ondaı jaǵdaıda onyń shyǵyndaryn rastaıtyn barlyq qujattardy saqtaıdy. Elge qaıtarda atalǵan qujattar týroperator men saqtandyrý kompanııasynan shyǵyndardy tóleý týraly talap etýge negiz bolady.

Saparǵa shyǵýǵa daıyndalýda, ony jasaý kezinde tranzıtpen qosa týrıstiń mynalarǵa quqyǵy bar:

1) Onyń jeke qaýipsizdigi nemese múlkine qastandyq jasalǵan bolsa, konsýldyq, dıplomatııalyq, basqa memlekettik, sonymen birge týrıstik ókildikterge bara alady;

2) Elge ýaqytsha kelý týraly, sonymen birge ýaqytsha kelgen elden ketý týraly, ýaqytsha kelgen eldiń zańnamalyq erekshelikteri jaıly, jergilikti halyqtyń salttary, erekshe qorǵaýǵa alynǵan dinı joralar, týrısterge kórsetiletin tarıhı, mádenı jáne basqa nysandar týraly qajetti jáne nanymdy aqparatty bilýge;

3) Júrip-turý erkindigi, ýaqytsha kelgen elde shekteý qoıylǵan sharalardy eskere otyryp, týrıstik resýrstarǵa erkin barý;

4) Kelisimsharttaǵy talaptar oryndalmaǵan jaǵdaıda shyǵyn men moraldyq shyǵynnyń ornyn Qazaqstan Respýblıkasynyń zańnamasymen belgilengen tártip boıynsha toltyrý;

5) Shuǵyl medıtsınalyq kómek alý;

6) Qazaqstan Respýblıkasynyń memlekettik bılik organdarynyń quqyqtyq jáne basqa kómek túrleri boıynsha járdemdesýi;

7) Baılanys quraldaryna týrısterdiń kedergisiz qol jetkizýi;

8) Týrısterdiń basqa quqyqtary kelgen eldiń zańnamasymen anyqtalady.

Kelisimshartty buzý:

Kelisimshartty buzý kezinde aqsha Qazaqstan Respýblıkasynyń zańnamasyna jáne kelisimshart sharttaryna sáıkes júzege asyrylady. Ol zań talaptaryna qaıshy kelmeýi kerek.

Týrıstik saparǵa shyǵýda saqtandyrý :

1) Halyqaralyq kelisimsharttarmen, ýaqytsha kelgen eldiń zańnamasymen qaralǵan jaǵdaıda týroperator nemese týragent týrıstik joldamany týrıst ómiri jáne densaýlyǵy jaıly saqtandyrý ákelgende júzege asyrady;

2) Saqtandyrý kelisimshartymen týrısterge medıtsınalyq kómek tólemi men ýqatsha kelgen elde saqtandyrý jaǵdaıy bolǵan jaǵdaıda olardyń shyǵynyn tóleý qaralýy kereý.

3) Qazaqstan Respýblıkasynyń bıligi Qazaqstan Respýblıkasynyń aýmaǵyna keletin týrısterden ómiri men densaýlyǵy týraly saqtandyrýdy talap etýge quqyly;

4) Týroperator men týragent azamattyq-quqyqtyq jaýapkershilikti saqtandyrýǵa mindetti