QR IDM: IOSA aýdıtiniń sertıfıkatyn almaǵan áýekompanııalardyń ushýlaryna shekteý engizý josparlanyp otyrǵan joq
ASTANA. QazAqparat - Jaqyn ýaqytta IOSA aýdıtiniń sertıfıkatyn almaǵan áýekompanııalarynyń ushýlaryna shekteý engizý josparlanyp otyrǵan joq, dep habarlaıdy QR Investıtsııalar jáne damý mınıstrliginiń baspasóz qyzmeti.
«2015 jylǵy qańtardaǵy jaǵdaı boıynsha turaqty ishki reısterdi oryndap júrgen bes áýekompanııasynyń ishinde IOSA sertıfıkaty tek «Eır Astanada» boldy. Mine osylaı bıylǵy jyldyń basynda tórt áýekompanııanyń turaqty reısterdi aptasyna shamamen 100 reısti toqtatý qaýpi týyndady.
Osyǵan baılanysty joǵarydaǵy jaǵdaılardy jáne otandyq áýekompanııalarynyń ótinishterin eskere otyryp, 2014 jylǵy 29 qyrkúıektegi «Memlekettik basqarý deńgeıleri arasyndaǵy ókilettikterdi ajyratý máseleleri boıynsha QR keıbir zańnamalyq aktilerine ózgerister men tolyqtyrýlar engizý týraly» Zańdy júzege asyrý boıynsha jumystar aıasynda erejege ózgerister engizildi, onyń ishinde atap aıtqanda, IOSA aýdıti sertıfıkatynyń bolýy týraly talapty 2016 jyldyń 1 qańtaryna deıin uzartý týraly da bar», delingen baspasóz qyzmetiniń habarlamasynda.
Atalǵan talap Úkimet qaýlysymen qabyldanyp jáne Ádilet mınıstrliginiń, Ekonomıka jáne bıýdjettik josparlaý mınıstrliginiń, Qarjy mınıstrliginiń kelisiminen keıin 2013 jyly kúshine endi.
2014 jyly QR «Ruqsattar jáne habarlamalar týraly» Zańynyń jáne 2015 jyly QR Kásipkerlik kodeksiniń qabyldanýyna baılanysty azamattyq avıatsııa salasyndaǵy ókiletti organ Qazaqstan Respýblıkasy áýe keńistigin paıdalaný jáne avıatsııa qyzmeti týraly elimizdiń zańnamasyn joǵarydaǵy zańnamalyq aktilerdiń talaptaryna sáıkestendirý onyń ishinde ókiletti organ bergen ruqsattardy berý men qaıtaryp alý mehanızmderin bekitý boıynsha jumystar júrgizýde.
Osylaısha, taıaý arada IOSA aýdıtiniń sertıfıkatyn almaǵan áýekompanııalarynyń ushýlaryna shekteý engizý josparlanyp otyrǵan joq, dep atap ótken QR IDM.
Qazirgi ýaqytta turaqty ishki reısterdi oryndap júrgen alty áýekompanııanyń ishinde IOSA sertfıkaty «Eır Astana» jáne «SCAT» áýekompanııasynda bar. Eır Astana áýekompanııasy IOSA-nyń 4 aýdıtinen ótti, al SCAT áýekompanııasy IOSA sertıfıkatyn 2015 jyly qarashada aldy. Erejege sáıkes, jańadan qurylǵan «Qazaq Air» áýekompanııasynyń IOSA úshin 2 jyldyq jeńildik merzimi bar, al daıyndyq jumystary bıyl bastalyp ketti.
«IOSA sertıfıkatyn alý máselesi boıynsha 2013 jyldan beri birneshe keńes ótti. Oǵan qatysqan áýekompanııalary, onyń ishinde «Bek Eır» AQ basshylyǵy da atalǵan aýdıtten ótýge daıyn ekenderin aıtqan bolatyn. Alaıda búginde «Bek Eır», «Jezqazǵan Eır» jáne «Jetisý» áýekompanııalary IOSA sertıfıkatyn almaǵan. Atalǵan áýekompanııalary IOSA aýdıtinen ótý boıynsha jumystar júrgizip jatqan joq. 2015 jylǵy jeltoqsandaǵy jaǵdaı boıynsha atalǵan áýekompanııalary qazaqstandyq basqa da áýekompanııalary reısterdi júzege asyratyn 21 baǵyt boıynsha («Bek Eır» - 19 baǵyt, «Jezqazǵan Eır» - 1 baǵyt, «Jetisý» - 1 baǵyt) turaqty ishki reısterdi oryndaıdy. Atap ótetin jaıt, Jazqazǵan Eır tek oblysishilik kommertsııalyq áýe tasymalyn júzege asyratyndyqtan IOSA sertıfıkatyn alý talap etilmeıdi.
