QR IDM Geologııa komıteti tóraǵasynyń orynbasary ómirden ozdy
ASTANA. QazAqparat - QR Investıtsııalar jáne damý mınıstrliginiń Geologııa komıteti tóraǵasynyń orynbasary Jaqsylyq Nazaraly ómirden ozdy. Bul aqparatty atalǵan mınıstrlikten de rastap otyr, dep habarlaıdy QazAqparat.
Jaqsylyq Nazaraly búgin QR Parlamenti Májilisinde elimizdiń eldi mekenderin sapaly aýyz sýmen qamtamasyz etýdiń ózekti máselelerine arnalǵan parlamenttik tyńdaýǵa qatysýy tıis bolatyn. Alaıda, shara bastalar aldynda ol ózin jaısyz sezinip, jedel járdem shaqyrylǵan. Naqtylanbaǵan derekke sáıkes, ol aýrýhanaǵa bara jatqan jolda ómirden ozǵan.
53 jastaǵy Jaqsylyq Nazaraly 2017 jyldyń 21 tamyzynan Qazaqstan Respýblıkasy Investıtsııalar jáne damý mınıstrliginiń Geologııa jáne jer qoınaýyn paıdalaný komıteti tóraǵasynyń orynbasary bolǵan edi.
