QR IDM «Eır Astana» ushaǵyna qatysty oqıǵanyń aldyn ala sebebin atady
ASTANA. QazAqparat - Búgin QR Investıtsııalar jáne damý mınıstrliginde Qazaqstan Respýblıkasy Bas kólik prokýratýrasy jəne "Eır Astana" əýekompanııasy AQ ókilderiniń qatysýymen ushý qaýipsizdigin qamtamasyz etý məselesi boıynsha shuǵyl otyrys ótti.
Bul týraly QR Investıtsııalar jáne damý mınıstrliginiń baspasóz qyzmeti habarlaıdy.
«Eır Astana» AQ áýe kompanııasynyń Almatydan Bishkekke baǵyt alǵan KS 109 reısti Embraer 190 áýe kóligine qatysty oqys oqıǵa ekıpajdyń nómiri birinshi qozǵaltqyshty óshirip, saldarynan maı qysymy tómendeýi týraly dabyldyń iske qosylýy sebepti týyndaǵan.
Tergeýdiń aldyn ala málimeti boıynsha, buǵan dabyl qaǵý júıesiniń óziniń isten shyǵýy sebep bolǵan. Keńes qorytyndysy boıynsha ushý qaýipsizdigin qamtamasyz etý deńgeıin arttyrýǵa baǵyttalǵan birlesken keshendi is-sharalar jasaý jóninde sheshim qabyldandy. Azamattyq avıatsııa salasynda áýe kompanııalarynyń ushý qaýipsizdigin qamtamasyz etýdegi jaýapkershiligin kúsheıtýge qatysty normatıvtik-quqyqtyq aktilerge ózgertýler engizý jóninde jumys júrgiziledi.
