QR IDM: «Bek Eırdi» qoldaý boıynsha úndeýdegi soma shyndyqqa janaspaıdy
ASTANA. QazAqparat - «Bek Eır» áýekompanııasyn qoldaý boıynsha qoltańba jınaý úshin áleýmettik jelide paıda bolǵan úndeýde aıtylǵan 1,5 mıllıon AQSh dollary kólemindegi soma shyndyqqa sáıkes kelmeıdi. Bul týraly QR Investıtsııalar jáne damý mınıstrliginiń baspasóz qyzmeti habarlady.
Aýdıtorlyq uıymdarǵa tólengen IOSA aýdıtiniń quny 2015 jyly shamamen 55 myń AQSh dollary bolǵan. 12 myń dollarlyq ákimshilik alym IOSA aýdıtti ákimshilendirý jáne standartty damytý retinde IATA-ǵa (halyqaralyq áýe kóligi qaýymdastyǵy) tólenip kelgen. Osylaısha, 67 myń bul aýdıtti ótýge qatysty tómengi mindetti tólem bolyp shyǵady.
Bul soma kólemi bekitilgen jáne IATA músheligine qatysty emes. Áýekompanııalar qalaýy boıynsha qosymsha keńester alady jáne standarttardy engizýge baqylaý júrgize alady, delingen QR IDM habarlamasynda.
Eske salsaq, jyl basynda áleýmettik jelilerde atalǵan áýekompanııasynyń mindetti aýdıtti ótkizýdi joıý jónindegi qazaqstandyqtarǵa úndeýi paıda boldy, ıaǵnı onda «arzan» tarıfter kezindegi tekserý júrgizý úshin 1,5 mln dollar qajet-mys dep kórsetilgen. Nátıjesinde, aqparatty muqııat zerdelemeı, tekserip almaı adamdar áýekompanııaǵa qoldaý bildirgen.
