QR IDM «barshaǵa ashyq» saıasatyn jandandyrady
ASTANA. QazAqparat - Qazaqstan Respýblıkasynyń Investıtsııalar jáne damý mınıstrligi «B» korpýsy boıynsha bos ákimshilik memlekettik laýazymdarǵa konkýrs jarııalaıdy, dep habarlaıdy QR IDM baspasóz qyzmetinen.
Barlyǵy - 14 bos oryn, olardyń ishinde mınıstrliktiń ózinde - 9, memlekettik organnyń aýmaqtyq bólimshelerinde - 5. Bos oryndar týraly QR IDM resmı saıtynda myna silteme boıynsha egjeı-tegjeıli bilýge bolady.
Eske salaıyq, baspasóz máslıhaty barysynda Áset Isekeshev QR IDM qyzmeti ashyq júrgiziletinin, onyń ishinde memlekettik satyp alý jáne jumysqa qabyldaý rásimderin ótkizýi kezinde de ashyq júrgiziletinin málimdegen edi.
Budan buryn, mınıstrlik geologııa jáne jer qoınaýyn paıdalaný, atap aıtqanda, izdeý ári barlaý jumystary salasynda 16 ashyq konkýrs ótkizdi. Táýelsiz baıqaýshylar retinde Parlament depýtattary, UKP men salalyq qaýymdastyqtar ókilderi shaqyryldy. Konkýrstardyń nátıjeleri BAQ-ta jarııalanǵan bolatyn.
