QR IDM áskerılendirilgen avarııalyq-qutqarý qyzmetiniń basshysy taǵaıyndaldy
Qazaqstan Respýblıkasy Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń «Kásibı áskerılendirilgen avarııalyq-qutqarý qyzmeti» sharýashylyq júrgizý quqyǵyndaǵy respýblıkalyq memlekettik kásiporny bas dırektorynyń bos ornyna jarııalanǵan respýblıkalyq konkýrstyń nátıjesine sáıkes Musa Turmanuly Tanabaev Qazaqstan Respýblıkasy Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń «Kásibı áskerılendirilgen avarııalyq-qutqarý qyzmeti» sharýashylyq júrgizý quqyǵyndaǵy respýblıkalyq memlekettik kásiporny basshysy bolyp taǵaıyndaldy.
Musa Turmanuly 1965 jylǵy 1 aqpanda Jezqazǵan oblysynyń Jezqazǵan kentinde dúnıege kelgen. 1987 jyly Qazaq polıtehnıkalyq ınstıtýtyn «taý-ken ınjener-elektrıgi» mamandyǵy jáne 1994 jyly Qaraǵandy memlekettik ýnıversıtetin ekonomıst mamandyǵy boıynsha bitirgen, ekonomıka ǵylymdarynyń kandıdaty.
Alǵashqy eńbek jolyn 1985 jyly Ýkraınadaǵy «Donetskýgol» komıtetiniń «Lıdıevka» shahtasynda elektr dánekerleýshi qyzmetinen bastady.
1989-1990 jyldary - Sátbaev qalasyndaǵy Batys kenishi komsomol komıtetiniń hatshysy boldy.
1991-1995 jyldary Jezqazǵan qalasynda saýda salasy boıynsha basshylyq qyzmet etse, 1995-2004 jyldary Jezqazǵan qalasy ákiminiń orynbasary laýazymyn atqardy.
2004 jyly Qazaqstan Respýblıkasy Indýstrııa jáne saýda mınıstrliginiń Qurylys isteri jónindegi komıtetiniń ekonomıkalyq saraptama jáne baǵany qalyptastyrý basqarmasy bastyǵynyń orynbasary boldy.
2006-2008 jyldary Jezqazǵan qalasynyń ákimi.
2008-2010 jyldary Tótenshe jaǵdaılardy jáne ónerkásiptik qaýipsizdikti memlekettik baqylaý komıtetiniń Munaıgaz ónerkásibin memlekettik baqylaý basqarmasynyń bastyǵy bolyp qyzmet etti.
2010-2011 jyldary Qazaqstan Respýblıkasy Tótenshe jaǵdaılar mınıstrliginiń Ońtústik Qazaqstan oblysy boıynsha Tótenshe jaǵdaılar departamenti bastyǵynyń orynbasary.
2011-2013 jyldary Qazaqstan Respýblıkasy Tótenshe jaǵdaılar mınıstrliginiń Tótenshe jaǵdaılardy jáne ónerkásiptik qaýipsizdikti memlekettik baqylaý komıteti tóraǵasynyń orynbasary boldy.
2013 jylǵy naýryzdan 2014 jylǵy qarashaǵa deıin Qostanaı oblysy boıynsha Tótenshe jaǵdaılar departamentiniń bastyǵy laýazymynda qyzmet etti. 2014 jylǵy qarashadan qazirgi ýaqytqa deıin Qazaqstan Respýblıkasy Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń Qostanaı oblysy boıynsha departamenti» MM basshysy laýazymyn atqardy.
Memlekettik jáne halyqaralyq nagradalary, syılyqtary, qurmetti ataqtary: Qazaqstan Respýblıkasy Prezıdentiniń alǵys haty, «Qazaqstan Resýpblıkasynyń Táýelsizdigine 20 jyl» mereıtoılyq medali, «Tótenshe jaǵdaılardyń aldyn alýda jáne joıýda úzdik shyqqany úshin» medali, І, ІІ dárejeli jáne ІІІ dárejeli «Eńbek dańqy» tósbelgisi, «Tótenshe jaǵdaılar júıesin damytýǵa qosqan úlesi úshin» tósbelgisi, «Eren eńbegi úshin» belgisi.
