QR IDM 200-den astam ınvestıtsııalyq jobany talqylap jatyr - Á.Isekeshev
ASTANA. QazAqparat - QR Investıtsııalar jáne damý mınıstrligi qazirgi tańda shaǵyn jáne orta ınvestorlardyń qatysýmen 200-den astam jobany belsendi pysyqtaýda, dep málimdedi Áset Isekeshev «Investıtsııalardy saqtaýdyń ınstıtýtsıonaldy tetikterin jetildirý. Investıtsııalyq daýlar men arbıtraj týraly QR zańnamasynyń novellalary» taqyrybyndaǵy dóńgelek ústel barysynda.
«Biz jańa ınvestorlarmen jumysty jalǵastyrýdamyz. Qazirgi tańda iri ulttyq kompanııalar 25-ten astam jobany belsendi pysyqtaýda, al jalpy shaǵyn jáne orta ınvestorlardyń qatysýymen 200-den astam joba, olar da biz úshin asa mańyzdy», - dedi Á.Isekeshev.
Mınıstrdiń málimetinshe, sońǵy jyldary Qazaqstanǵa 30-dan astam transulttyq kompanııa (TUK) keldi. Osy jyly 9 TUK qaıta ınvestıtsııalanady.
«Biz úshin mańyzdysy - ol qaıta ınvestıtsııalaý. Sol sebepti biz ınvestorlarmen jumys jasaımyz. 8 transulttyq kompanııany osy jyly qaıta ınvestıtsııalaý josparlanǵan. Olar «Italcementi», «Tikkutila», «Laktalıs» jáne taǵy basqa syndy kompanııalar», - dedi mınıstr.
Sonymen qatar, mınıstr óz sózinde EYDU standartyna sáıkes ınvestıtsııalyq ahýaldy jaqsartý negizgi másele bolatyndyǵyn aıtyp ótti, dep jazady primeminister.kz.
«2012 jyly EYDU-da berilgen 12 usynystyń barlyǵy derlik atqaryldy. Qazir biz EYDU-men ekinshi sholýdy jasaýdamyz jáne osy jyly ony aıaqtaýdy josparlaýdamyz. Bizdiń maqsatymyz - 2017 jyly EYDU ınvestıtsııalary boıynsha Komıtetke ený», - dedi QR IDM basshysy.
Mınıstrdiń aıtýynsha, ár mınıstrlikte ınvestıtsııalyq ahýaldy jaqsartý boıynsha jete jospar jasalǵan. Sonymen qatar, ol jumystyń negizgi baǵyttary vızalyq kóshi-qon rejımin jaqsartý, sheteldik jumys kúshin ákelý, salyqtyq kedendik zańnamasy, jer alý, qurylys salýǵa ruqsat jáne basqalary bolyp tabylatynyn aıtty.
