QR halyq ártisi Qadyr Jetpisbaevtyń 70-jyldyǵyna arnalǵan «Nar tulǵa» atty eske alý keshi ótedi
ASTANA. 24 mamyr. QazAqparat - 26 mamyr kúni elordadaǵy Q.Qýanyshbaev atyndaǵy qazaq mýzykalyq drama teatrynda QR halyq ártisi, ulttyq rejıssýranyń iri ókili, ulaǵatty ustaz Qadyr Jetpisbaevtyń 70-jyldyǵyna arnalǵan eske alý keshi ótedi,
dep habarlady teatrdyń baspasóz qyzmetinen.
Kesh barysynda qazaq óneriniń órkendep ósýinde ózindik orny bar tulǵanyń ómiri men óneri jaıynda qatarlas dostary men áriptesteri, shákirtteri, qazaq zııalylary estelikterinde baıandap bermek.
Eske alý keshiniń arnaıy qonaqtary - QR Mádenıet mınıstri Muhtar Qul-Muhammed, QR halyq ártisi Esmuqan Obaev, Qazaqstannyń eńbek sińirgen qaıratkeri, belgili teatr synshysy Áshirbek Syǵaı, QR halyq ártisi Gúljan Áspetova, QR halyq ártisi Tuńǵyshbaı Ál-Tarazı, Qazaqstan Jazýshylar odaǵynyń tóraǵasy Nurlan Orazalın.
