QR halyq ártisi A.Musaqojaevanyń albomyn nemistiń dybys jazý kompanııasy 5 myń danamen shyǵardy
ASTANA. 22 sáýir. QazAqparat - Astanada Qazaq ulttyq óner ýnıversıtetiniń rektory, professor, álemge tanymal skrıpkashy Aıman Musaqojaeva Germanııada jazylǵan óziniń albomynyń shyǵarylýy jaıynda baspasóz máslıhatyn ótkizdi.
A.Musaqojaevanyń aıtýynsha, «Deutsche Grammophon Gesellschaft» dybys jazý kompanııasy Germanııada kúıtabaqtar men kompakt-dıskiler shyǵaratyn Germanııadaǵy baıyrǵy kásiporyn.
QR halyq ártisi osy álemge tanymal leıblmen kelisim-shartqa qol qoıǵan alǵashqy qazaqstandyq oryndaýshy.
Sonymen birge, nemis kompanııasy A.Musaqojaevaǵa «Deutsche Grammophon Gesselschaft» ártisi» resmı mártebesin berdi.
Qazaqstandyq skrıpkashynyń dıskisi 5 myń danamen shyqty. Albomǵa A.Musaqojaeva QR sırek mýzykalyq aspaptar memlekettik kollektsııasyndaǵy biregeı aspap - 1732 jylǵy Antonıo Stradıvarıdyń skırıpkasymen dırıjer Manýel Ernandes Sılvanyń basqarýyndaǵy Vena sımfonııalyq orkestriniń súıemeldeýimen oryndaǵan P.Chaıkovskıı men S.Prokofevtiń skrıpkalyq kontsertteriniń eksklıýzıvtik jazbalary endi.
