QR gazdandyrýdyń bas shemasyn daıyndaý qaǵıdalary bekitildi

Qazaqstan Respýblıkasy Úkimetiniń qaýlysy №582

2012 jylǵy 7 mamyr, Astana, Úkimet Úıi

Qazaqstan Respýblıkasyn gazdandyrýdyń bas shemasyn daıyndaý qaǵıdalaryn bekitý týraly

«Gaz jáne gazben jabdyqtaý týraly» Qazaqstan Respýblıkasynyń 2012 jylǵy 9 qańtardaǵy Zańynyń 5-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasyn gazdandyrýdyń bas shemasyn daıyndaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.


                                                                   Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń 2012 jylǵy 7 mamyrdaǵy №582 qaýlysymen bekitilgen

Qazaqstan Respýblıkasyn gazdandyrýdyń bas shemasyn daıyndaý qaǵıdalary

1. Jalpy erejeler
1. Osy Qazaqstan Respýblıkasyn gazdandyrýdyń bas shemasyn daıyndaý qaǵıdalary (budan ári - Qaǵıdalar) «Gaz jáne gazben jabdyqtaý týraly» Qazaqstan Respýblıkasynyń 2012 jylǵy 9 qańtardaǵy Zańyna (budan ári - Zań) cáıkes ázirlendi jáne Qazaqstan Respýblıkasyn gazdandyrýdyń bas shemasyn daıyndaý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) Qazaqstan Respýblıkasyn gazdandyrýdyń bas shemasy (budan ári - Shema) - Qazaqstan Respýblıkasynyń tutynýshylaryn gazben senimdi jabdyqtaýdy qamtamasyz etý úshin gaz salasyn damytýdyń ekonomıkalyq negizdelgen strategııalyq baǵyttaryn jáne turǵyn úı-kommýnaldyq sharýashylyq obektilerinde, ónerkásiptik, aýyl sharýashylyǵy jáne ózge de obektilerde taýarlyq jáne (nemese) suıytylǵan munaı gazyn otyn retinde paıdalaný jolymen gaz salasyn damytý úshin júzege asyrylýǵa jatatyn negizgi is-sharalardy aıqyndaıtyn jáne gazben jabdyqtaý júıeleriniń obektilerin ornalastyrý shemasyn, salý, jańǵyrtý jáne (nemese) rekonstrýktsııalaý josparlanatyn gazben jabyqtaý júıeleri obektileriniń tizbesi men tehnıkalyq sıpattamasyn, qajetti qarjy resýrstaryn jáne olardyń kózderin, taýarlyq jáne suıytylǵan munaı gazynyń perspektıvaly resrýstaryn, sondaı-aq qazirgi bar jáne salý josparlanatyn gazben jabdyqtaý júıeleriniń obektileri boıynsha gaz berý shemasyn qamtıtyn qujat;
2) reıtıngtik baǵalaý - áleýmettik-ekonomıkalyq jáne tabıǵı-sharýashylyq sıpattamalardyń jıyntyǵyn taldaý negizinde Qazaqstan Respýblıkasynyń jekelegen ákimshilik-aýmaqtyq birlikterin gazdandyrýdyń tartymdylyǵyn aıqyndaýǵa múmkindik beretin ádisteme.
Osy Qaǵıdalarda paıdalanylatyn ózge termınder men anyqtamalar Zańǵa sáıkes qoldanylady.

2. Shemany daıyndaý tártibi
3. Shema mynadaı úsh kezeńde ázirlenedi:
1) oblystar, respýblıkalyq mańyzy qalalar, astana ákimdikteriniń óńirlik shemany qalyptastyrýy;
2) Shemany ýákiletti organnyń qalyptastyrýy;
3) Shemany Qazaqstan Respýblıkasy Úkimetiniń bekitýi.
4. Oblystardyń, respýblıkalyq mańyzy qalanyń, astananyń ákimderi osy Qaǵıdalarǵa sáıkes daıyndalǵan óńirlik gazdandyrý shemalaryn ýákiletti organnyń janynan qurylatyn Qazaqstan Respýb­lıkasyn gazdandyrýdyń bas shemasyn daıyndaý jónindegi vedomstvoaralyq komıssııanyń (budan ári - Komıssııa) qaraýyna usynýdy qamtamasyz etedi.
5. Komıssııany ýákiletti organnyń basshysy basqarady. Komıssııanyń quramyna kommýnaldyq sharýashylyq, ónerkásiptik qaýipsizdik, ındýstrııa jáne jańa tehnologııalar, aýyl sharýashylyǵy salasyndaǵy ýákiletti organdardyń, tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn ýákiletti organnyń, strategııalyq jáne ekonomıkalyq josparlaý, bıýdjet saıasatyn ázirleý men qalyptastyrý salasyndaǵy basshylyqty jáne salaaralyq úılestirýdi júzege asyratyn ýákiletti organnyń, oblystardyń, respýblıkalyq mańyzy bar qala men astananyń jergilikti atqarýshy organdarynyń ókilderi kiredi. Gaz jáne gazben jabdyqtaý salasyndaǵy saıasattyń júrgizilýine jaýapty ýákiletti organnyń qurylymdyq bólimshesi Komıssııanyń jumys organy bolyp tabylady.
6. Shema mynalardyń:
1) taýarlyq jáne suıytylǵan munaı gazyn óndirýdiń, ótkizý men tutynýdyń boljamdy teńgerimi negizinde Qazaqstan Respýblıkasynyń taýarlyq jáne suıytylǵan munaı gazyna ishki qajettilikterin qamtamasyz etý;
2) taýarlyq gazdy, onyń ishinde suıytylǵan tabıǵı gazdy qaıta gazdandyrý protsesinde alynǵan, gazdy turmystyq jáne kommýnaldyq-turmystyq tutynýshylardyń paıdalaný basymdylyǵyn eskere otyryp ázirlenedi.
7. Gazdandyrýdyń óńirlik shemalary osy Qaǵıdalarǵa qosymshada keltirilgen óńirlerdi gazdandyrý tartymdylyǵyn reıtıngtik baǵalaý ádistemesine sáıkes óńirlerdi gazdandyrýdyń tartymdylyǵyn reıtıngtik baǵalaý nátıjeleri negizinde ázirlenedi.
8. Gazdandyrýdyń óńirlik shemalarynda mynalar kórsetiledi:
1) gaz tutynýshy paıdalanylatyn obektiler, iske qosý merzimin kórsete otyryp, paıdalanýǵa berý josparlanyp otyrǵan obektiler;
2) osy tarmaqtyń 1) tarmaqshasynda kórsetilgen obektilerde gaz tutyný kózderi;
3) ony paıdalaný basymdyqtarynyń ekonomıkalyq negizdemelerimen gazdandyrý kezinde paıdalaný josparlanyp otyrǵan gazdyń túri (taýarlyq jáne (nemese) suıytylǵan munaı);
4) gazdandyrý josparlanyp otyrǵan eldi mekender;
5) tıisti negizdemelerdi kórsete otyryp, 2015 jylǵa deıin gazdandyrý ekonomıkalyq jaǵynan orynsyz obektiler.
9. Reıtıngtik baǵalaý sheńberinde esep aıyrysýlar júrgizý úshin reıtıngtik baǵalaý negizinde jeke alynǵan Qazaqstan Respýblıkasynyń ákimshilik-aýmaqtyq birligin (aýdanyn) gazdandyrýdyń oryndylyǵy men tartymdylyǵyn baǵalaýǵa múmkindik beretin jańartylatyn jáne tolyqtyrylatyn aqparattyq júıe qurylady.
10. Óńirlik Shemany ázirleý kezinde mynadaı is-sharalar júzege asyrylady:
1) óńirlerdi gazdandyrý tartymdylyǵyna áser etetin Qazaqstan Respýblıkasy óńirleriniń aǵymdaǵy áleýmettik-ekonomıkalyq jáne tabıǵı-sharýashylyq kórsetkishterin jınaý men taldaýdy júrgizý;
2) Qazaqstan Respýblıkasynyń taýarlyq jáne suıytylǵan munaı gazyna ishki qajettilikterin qanaǵattandrý úshin qajetti qolda bar resýrstyq bazaǵa taldaý júrgizý;
3) optımıstik, pessımıstik jáne naqty stsenarııler boıynsha taýarlyq jáne suıytylǵan munaı gazynyń teńgerimi negizgi kórsetkishteriniń boljamdy mánderin aıqyndaý;
4) balamaly energııa kózderi naryǵyna salystyrmaly taldaý júrgizý;
5) jumys istep turǵan jáne salýǵa josparlanǵan magıstraldyq gaz qubyrlaryn ornalastyrý shemasyn ázirleý;
6) Qazaqstan Respýblıkasynyń árbir taldanatyn óńirin gazdandyrýǵa qajetti ınvestıtsııalardyń kólemin taldaýdy júrgizý;
7) Qazaqstan Respýblıkasynyń óńirleri ishinde tartymdylyqtyń reıtıngtik baǵalaýyn júrgizý.
11. Qazaqstan Respýblıkasyn gazdandyrýdyń óńirlik shemalary mynalarǵa:
1) oblystardyń, respýblıkalyq mańyzy bar qala men astananyń jergilikti atqarýshy organdaryn qospaǵanda, Komıssııa múshelerine jáne Komıssııanyń jumys organyna;
2) Komıssııa músheleri - óńirlik shemasy qaraýǵa usynylǵan tıisti ákimshilik-aýmaqtyq birlikpen shekaralas oblystardyń, respýblıkalyq mańyzy bar qala men astananyń jergilikti atqarýshy organdarynyń ókilderine usynylady.
Gazdandyrýdyń óńirlik shemalaryn alǵan Komıssııa músheleri men Komıssııanyń jumys organy olardyń tıisti memlekettik organdar men uıymda qaralaýyn jáne shemany alǵan kúninen bastap eki apta merzimde quzyret máseleleri boıynsha qorytyndy daıyndaýdy qamtamasyz etedi.
12. Komıssııanyń otyrystarynda gazdandyrýdyń óńirlik shemalary jáne memlekettik organdar men jumys organynyń qorytyndylary qaralady jáne óńirlik shemalardy pysyqtaý jóninde jáne (nemese) olardy Shemanyń quramyna engizý jóninde usynymdar ázirlenedi.
13. Shema mynalardy:
1) Qazaqstan Respýblıkasynyń tutynýshylaryn gazben senimdi jabdyqtaýdy qamtamasyz etý úshin gaz salasyn damytýdyń ekonomıkalyq jaǵynan negizdelgen strategııalyq baǵyttaryn;
2) turǵyn úı-kommýnaldyq sharýashylyq obektilerinde, ónerkásip, aýyl sharýashylyǵy jáne ózge obektilerde taýarlyq jáne (nemese) suıytylǵan munaı gazyn otyn retinde paıdalaný jolymen gaz salasyn damytý úshin júzege asyrýǵa jatatyn negizgi is-sharalardy;
3) jumys istep turǵan jáne salýǵa josparlanǵan gazben jabdyqtaý júıeleriniń obektilerin ornalastyrý shemasyn;
4) salýǵa, jańǵyrtýǵa jáne (nemese) rekonstrýktsııalaýǵa josparlanǵan gazben jabdyqtaý júıeleri obektileriniń tizbesi men tehnıkalyq sıpattamasyn;
5) qajetti qarjy resýrstary men olardyń kózderin, taýarlyq jáne suıytylǵan munaı gazynyń perspektıvaly resýrstaryn;
6) jumys istep turǵan jáne salýǵa josparlanǵan gazben jabdyqtaý júıeleriniń obektileri boıynsha gaz berý shemasyn;
7) perspektıvaǵa arnalǵan Shemany iske asyrý merzimin qamtıdy.
14. Shemanyń sheńberinde ýákiletti organ gazdandyrý úshin neǵurlym tartymdy óńirlerdiń mynadaı aqparatty qamtıtyn tizbesin qalyptastyrady jáne bekitedi:
1) gazdandyrý jobasynyń ataýy;
2) jaýapty memlekettik organ;
3) jobany iske asyrý josparlanatyn óńir;
4) jobaǵa ótinish berýshi;
5) jobany iske asyrýdyń ekonomıkalyq tartymdylyǵynyń aldyn ala kórsetkishteri;
6) joba qabyldanǵan jaǵdaıdaǵy boljamdy áleýmettik-ekonomıkalyq saldar;
7) jobany iske asyrýǵa baılanysty boljamdy qarjylyq shyǵyndar jáne qarjylandyrý kózderi;
8) jobany iske asyrýdyń boljamdy merzimderi.
15. Komıssııa Shemany maquldaǵannan keıin ýákiletti organ belgilengen tártippen Qazaqstan Respýblıkasyn gazdandyrýdyń bas shemasyn bekitý týraly Qazaqstan Respýblıkasynyń Úkimeti qaýlysynyń jobasyn daıyndaıdy jáne engizedi.
16. Áleýmettik-ekonomıkalyq kórsetkishter, óńirlerdi damytý baǵyttary ózgergende nemese Shemany túzetýdiń ózge qajettiligi týyndaǵan kezde Komıssııa músheleri Shemaǵa ózgerister jáne (nemese) tolyqtyrýlar engizý máselesin qaraý úshin onyń otyrysyn shaqyrýǵa bastamashylyq jasaıdy.
Osyndaı otyrysqa bastamashylyq jasaǵan Komıssııa músheleri Komıssııanyń otyrysyna deıin eki aptadan keshiktirmeı Komıssııa múshelerine jáne jumys organyna osy bólimniń erejelerin eskere otyryp jasalǵan shemany túzetýge qajetti negizdemelerdi usynady.