QR fýtbol federatsııasy logotıpi men ataýyn ózgertti
ASTANA. QazAqparat - Astanada Qazaqstan fýtbol federatsııasy óz logotıpi men ataýyn ózgertti, dep habarlaıdy QazAqparat tilshisi.
QR fýtbol federatsııasynyń XV Konferentsııasynda uıym ataýyn ózgertý týraly sheshim qabyldaǵan. Endi uıym aty - Qazaqstan fýtbol federatsııasy, al qysqasha ataýy - QFF.
Osyǵan qosa Qazaqstan fýtbol federatsııasynyń logotıpi de ózgeriske ushyrady. Endi ol zamanýı ári jınaqy. Federatsııanyń tek ataýy qatty ózgerdi. Logotıptegi tolyq ataý QFF-ǵa aýysty. Osylaısha ol kózge erekshe kórinedi jáne ony halyqaralyq deńgeıde qoldanýǵa da yńǵaıly.
Federatsııanyń baspasóz qyzmetiniń habarlaýyna qaraǵanda, fırmalyq túster men negizgi elementter ózgerissiz qaldy: búrkit (erkindik pen táýelsizdiktiń belgisi), dop (fýtbol) jáne kún (bolashaqqa degen shýaqty ári senimdi kózqaras). Jańa fırmalyq stılge aýysý 2017 jyldyń sońyna deıin júredi.
