QR fýtbol chempıonattaryna kelýshiler sany boıynsha rekord ornatyldy
ASTANA. QAZAQPARAT - 19 myń kórermen jınaǵan «Qaırat» - «Astana» kezdesýi Qazaqstan chempıonattarynyń ishindegi eń kóp kórermen jınaǵan match boldy.
Budan buryn eń kóp kórermen jınaǵan oıyn 2011 jyldyń 29 qazanynda Qaraǵandy qalasynda bolǵan «Shahter» men «Astana» komandalarynyń arasynda ótken match, dep habarlaıdy Sports.kz.
Sonymen qatar, 20 myńnan astam kórermen jınaǵan ózge týrnırlerde ótkizilgen úsh match bar.
2009 jyly «Atyraý» - «Shahter» komandalarynyń arasynda ótkizilgen Qazaqstan Kýbogynyń fınaldyq oıynyna 20 myń kórermen jınalsa, 2013 jyly «Shahter» - «Taraz» oıyny 24 500 kórermen jınaǵan.
Sondaı-aq, 2015 jyly Qazaqstan Sýperkýbogynda «Astana» men «Qaırat» komandalarynyń arasynda ótkizilgen oıyn 20 myń kórermen jınaǵan.
