QR Farmóndirýshileri qaýymdastyǵynyń basshysy Serik Sultanov dúnıeden ozdy
«Qaıǵyly jańalyq! Farmatsevtıkalyq salanyń jáne otandyq farmónerkásibiniń eń jarqyn uıymdastyrýshylarynyń biri Serik Sultanov ómirden ótti. Ol árdaıym birinshi boldy - Dárilik zattar saraptamasy ulttyq ortalyǵynyń birinshi bas dırektory, Farmatsııa komıtetiniń birinshi tóraǵasy, Qazaqstannyń farmatsevtıkalyq ónerkásibiniń tuńǵysh uıymdastyrýshysy, Farmatsevtıkalyq óndirýshiler qaýymdastyǵynyń alǵashqy jáne turaqty prezıdenti. Birinshi mamandyǵy boıynsha farmatsevt bolmasa-daǵy ol bul saladaǵy eń bilimdi mamandardyń biri edi... Sońǵy jyldary onyń syrqaty týraly bilgender onyń eńbekqorlyǵyna árdaıym tańdanatyn», - dep jazdy Facebook-tegi paraqshasyna Halyqaralyq farmatsevtıkalyq óndirýshiler qaýymdastyǵynyń prezıdenti Vıacheslav Lokshın.
Sultanov Serik Egeluly 1959 jyly 9 qazanda Pavlodar oblysynyń Panfılovo aýylynda dúnıege keldi. Eńbek jolyn 1990-1998 jyldary Pavlodar qalasyndaǵy birrettik shprıtsterdi óndiretin «Med-polımer» AQ zaýytynda bas dırektor qyzmetinen bastady. Zaýyttyń negizin qalaýshy.
1998-2002 jj. - «Dárilik zattar saraptamasy ulttyq ortalyǵynyń» «Dári-dármek» RMKK bas dırektory.
2002-2033 jj - QR Densaýlyq saqtaý mınıstrligi Farmatsııa, farmatsevtıkalyq jáne medıtsınalyq ónerkásip komıtetiniń tóraǵasy.
2006 j. - «Qazaqstannyń FarmMedIndýstrııasy» farmatsevtıkalyq jáne medıtsınalyq ónim óndirýshileri qaýymdastyǵynyń basshysy.
2008 j. - «Medıtsınalyq tehnıka jetkizýshileriniń qaýymdastyǵy» ZTB prezıdenti.
