QR erler qurama komandasy pnevmatıkalyq qarýdan oq atýdan Azııa chempıonatynda «kúmis» enshiledi
ASTANA. 16 jeltoqsan. QazAqparat - Qytaıdyń Nanchang qalasynda pnevmatıkalyq qarýdan oq atýdan Azııa chempıonaty ótýde, dep habarlady QR sporttyq oq atý federatsııasynyń baspasóz qyzmeti.
Atalmysh jarysqa Qazaqstannyń atynan 14 sportshy qatysty.
Erler arasynda qarýdan oq atýdan bizdiń elimizdiń namysyn Rashıd ıÝnýsmetov (Shymkent), Vladımır Isachenko (Almaty), Vıacheslav Podlesnyı (Pavlodar) qorǵaıdy.
Áıelder arasynda qarýdan oq atýdan elimizdiń atynan Zaýresh Baıbosynova (Shymkent), ıÝlııa Drıshlıýk (Pavlodar), Ásel Berkına (Almaty), Elena Gýbareva (Shymkent), Sábıra Asadı (Almaty) qatysýda.
Myltyqtan oq atýdan erler arasynda Igor Pırekeev (Almaty) Alekseı Kleımenov (Pavlodar), Ratmır Mındııarov (Almaty) saıysqa túsedi.
Bul sanatta, áıelder arasynda Qazaqstan atynan Aleksandra Malınovskaıa (Almaty), Elızaveta Lýnına (Shymkent), Polına Tyshova (Pavlodar) qatysýda.
2 kúnnen keıin erler komandasy 10 metr qashyqtyqtan pnevmatıkalyq qarýdan oq atýdan kúmis medal enshiledi. Birinshi orynǵa Qytaı jaıǵasty.
Esterińizge sala keteıik, jarys 12 jeltoqsanda bastaldy, ol aǵymdaǵy jyldyń 18 jeltoqsanyna deıin jalǵasady.
