QR Energetıka Vıtse-mınıstri laýazymyna Á. Maǵaýov taǵaıyndaldy

ASTANA. QazAqparat - Qazaqstan Respýblıkasy Úkimetiniń 2016 jylǵy 28 qańtardaǵy №37 qaýlysymen QR Energetıka Vıtse-mınıstri laýazymyna Maǵaýov Áset Maratuly taǵaıyndaldy. Qaýlyǵa QR Premer-Mınıstri Kárim Másimov qol qoıǵan.

Bul týraly QR Energetıka mınıstrliginiń baspasóz qyzmetinen habarlady.

Á.Maǵaýov 1972 jyly 28 qarashada Atyraý oblysynyń Qulsary kentinde týǵan. I.Gýbkın atyndaǵy Memlekettik munaı jáne gaz akademııasyn ınjener-ekonomıst mamandyǵy boıynsha bitirgen. QR Energetıka, ındýstrııa jáne saýda mınıstrliginiń Ekonomıkalyq taldaý jáne monıtorıng basqarmasy bastyǵynyń orynbasary, Memlekettik aktıvterdi basqarý departamenti dırektorynyń orynbasary bolǵan. «Qazaq UMK JAQ Teńiz jobasy departamentiniń qarjy-ekonomıkalyq máseleler jónindegi bas menedjeri. «Munaı jáne gaz kóligi» UK» JAQ Servıstik departamenti dırektorynyń orynbasary, QR Energetıka jáne mıneraldyq resýrstar vıtse-mınıstri, QR Munaı jáne gaz vıtse-mınıstri, «KAZENERGY» qazaqstandyq munaıgaz jáne energetıka kesheni uıymdarynyń qaýymdastyǵy» ZTB Bas dırektory qyzmetterin atqarǵan.