QR Energetıka vıtse-mınıstri eki aıǵa qamaldy

«2 naýryz kúni Astana qalasynyń №2 Almaty aýdandyq soty kúdiktiler - Ǵanı Sádibekov pen Serikbaı Jumalınovke qatysty eki aıǵa qamaýda ustaý túrindegi bultartpaý sharasyn qoldaný jóninde sheshim shyǵardy», - deıdi qalalyq sottyń resmı ókili Botagóz Baıanova.
Baspasóz hatshysynyń sózine qaraǵanda, 3 naýryzda sot Bekzat Qadyrberlın jáne Jan Nurbekovterge qatysty da eki aı merzimge qamaýda ustaý sharasyn qoldanýǵa sheshim shyǵarǵan.
Eske sala keteıik, Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın Sybaılas jemqorlyqqa qarsy is-qımyl ulttyq bıýrosy QR Energetıka mınıstrligi laýazymdy tulǵalarynyń qylmystyq qyzmetiniń joly kesilgenin málimdegen.
Energetıka vıtse-mınıstri Ǵ. Sádibekovke «Aımaq» JShS merdigerlik uıymynyń basshysy D. Dýanbekpen sóz baılasyp, Şýchınsk-Býrabaı kýrorttyq aımaǵyndaǵy kóldi tazartýǵa bólingen erekshe iri mólsherdegi bıýdjet qarajatyn jymqyrdy degen aıyp taǵylyp otyr. Qylmysqa Energetıka mınıstrliginiń departament basshysy J. Nurbekov jáne merdiger uıymnyń ókilderi S. Jumalınov jáne B. Qadyrberlın de qatysqan.
Ǵ. Sádibekov, J. Nurbekov, D. Dýanbek, S. Jumalınov jáne B. Qadyrberlınder ustaldy. Sotqa deıingi tergep-tekserý amaldary júrip jatyr.
Foto: nb.kz