QR Energetıka mınıstrligi Jasyl klımattyq qorymen ózara is-qımylyn kúsheıtpek
«Kúntártibine klımattyń ózgerýine beıimdelýge, tabıǵı qubylystardyń qolaısyz saldary men qaýpinen táýekelderdi basqarýǵa baılanysty máselelerdi sheshýge, sondaı-aq taza energetıkany damytý úshin tehnologııalar transferti sharalaryna jáne eldegi ekologııalyq ahýaldy jaqsartýǵa ınvestıtsııalardy tartý bastamalary kóterilýde. Halyqaralyq qarjylyq ınstıtýttary qarjysyn belsendi tartý turǵysynda biz Jasyl klımattyq qoryn negizgi seriktes retinde kórip otyrmyz»,-dedi Ǵ. Sádibekov.
Onyń sózine qaraǵanda, BUU Damý baǵdarlamasy sekildi tirkelgen uıymdardyń kómegimen atalǵan Qormen jumys isteý Memleket basshysy júktegen tapsyrmalardy oryndaý úshin resýrstardy jumyldyrýǵa múmkindik beredi. Osy rette parnıkti gazdar shyǵaryndylaryn tómendetý boıynsha aýqymdy maqsattardy iske asyrý ekonomıkanyń qurylymdyq túrlenýine alyp keledi, onyń ishinde aýqymdy ári tehnologııalyq jańǵyrý baǵyty da bar.
«QR Energetıka mınıstrliginiń Jasyl klımattyq qorymen ózara is-qımylyn kúsheıtý úshin qazirgi kezde bizdiń mınıstrlik turǵysynda ókiletti ulttyq organdy aıqyndaý boıynsha qaýly jobasy ázirlendi. Vedomstvoǵa atalǵan qormen úılestirilgen jumysty júrgizý maqsaty qoıyldy. Bul baǵyttaǵy sharalar naqty jáne turaqty nátıje berýge qaýqarly»,-dedi vıtse-mınıstr.
