QR Energetıka mınıstrligi: Suıytylǵan gaz baǵasynda ózgeris bolmaıdy
«2022 jylǵy 1 sáýirde QR Energetıka mınıstriniń «Qazaqstan Respýblıkasynyń ishki naryǵyna suıytylǵan munaı gazyn berý jospary sheńberinde taýar bırjalarynan tys ótkiziletin suıytylǵan munaı gazynyń shekti baǵalaryn bekitý týraly» buıryǵy kúshine enedi.
Qabyldanǵan buıryqqa sáıkes suıytylǵan gazdyń shekti baǵasy 2022 jylǵy 2-toqsanda aǵymdaǵy deńgeıde belgilenedi jáne 28 000,00 tg/t (QQS-syz) quraıdy» delingen habarlamada.
2022 jyldyń qańtarynda Memleket Basshysy Qasym-Jomart Toqaevtyń tapsyrmasyna sáıkes eldegi áleýmettik-ekonomıkalyq jaǵdaıdy turaqtandyrý úshin QR Básekelestikti qorǵaý jáne damytý agenttiginiń (QR BQDA) buıryǵymen Qazaqstanda avtogaz quıý stantsııalarynda avtokólikterge janarmaı quıý úshin 180 kúnge (QQS qosa alǵanda) suıytylǵan gazdyń shekti-bólshek saýda baǵasy belgilengenin eske salamyz.
QR BQDA buıryǵyna sáıkes óńirlerdegi suıytylǵan munaı gazynyń bólshek saýda baǵasy QQS-pen lıtrine 50-den 75 teńgege deıin (QR BQDA buıryǵyna saı) qurady.
