QR Energetıka mınıstrligi men Huawei memorandýmǵa qol qoıdy
Qazaqstan Respýblıkasynyń Energetıka mınıstrligi men Huawei Technologies Kazakhstan kompanııasy tsıfrlyq energetıka salasyndaǵy yntymaqtastyqty damytýǵa baǵyttalǵan Ózara túsinistik týraly memorandýmǵa qol qoıdy, dep habarlaıdy Kazinform.
Sársenbi kúni Astanada QR Energetıka vıtse-mınıstri Іlııas Baqytjan men Huawei Technologies Kazakhstan bas dırektory Chjao Sıýı atalmysh qujatqa qol qoıdy.
Qol qoıylǵan memorandým tsıfrlyq energetıka salasyndaǵy birlesken ınnovatsııalyq jobalardy iske asyrýǵa, Qazaqstan Respýblıkasynyń Biryńǵaı energojúıesiniń ǵylymı-tehnıkalyq jáne óndiristik áleýetin nyǵaıtýǵa baǵyttalǵan yntymaqtastyqty kózdeıdi. Yntymaqtastyq sonymen qatar ıntellektýaldy jeli sheshimderin jańartýdy, turaqty energetıkalyq ınfraqurylym mehanızmderin ıntegratsııalaýdy jáne energııany basqarý protsesterin jalpy ońtaılandyrýdy jedeldetedi dep kútilýde.
«Búgin QR Energetıka mınıstrliginiń aldynda energetıka sektoryn tsıfrlandyrý jáne ońtaılandyrý boıynsha mańyzdy mindet tur. Huawei kompanııasymen qol qoıylǵan Ózara túsinistik týraly memorandým ınnovatsııalyq sheshimderdi zerdeleýge, ozyq tájirıbemen almasýǵa jáne energetıka sektoryndaǵy tegeýrindi máselelerdi sheshý maqsatynda eń zamanaýı tehnologııalardy engizýge baǵyttalǵan», - dep atap ótti QR Energetıka vıtse-mınıstri Іlııas Baqytjan. — «Bul yntymaqtastyqtyń nátıjesinde biz energetıkalyq resýrstarymyzdy ońtaılandyrýda, paıdalaný shyǵyndaryn tómendetýde jáne Qazaqstannyń energetıkalyq ınfraqurylymynyń jalpy turaqtylyǵyn arttyrýda aıtarlyqtaı tabysqa jetýdi josparlap otyrmyz».
Sonymen qatar, memorandým retteýshi aktilerdi jetildirýge jáne halyqaralyq saraptama men tsıfrlyq energetıka salasyndaǵy úzdik tájirıbe negizinde energojúıeni basqarý salasyndaǵy halyqaralyq standarttardy úılestirýge alǵysharttar jasaıdy. Atalǵan tásil Qazaqstannyń jańa býynnyń energetıkalyq sheshimderin qabyldaý jáne engizý salasyndaǵy kóshbasshylardyń biri retinde ózin tanytýyna negiz bolady.
Huawei kompanııasymen yntymaqtastyq sonymen qatar adamı kapıtal deńgeıin damytýǵa, saladaǵy kadrlardyń kásibı deńgeıin, joǵary oqý oryndarynyń ǵylymı áleýetin, tsıfrlyq energetıka salasyndaǵy bilimdi arttyrýǵa jáne azamattardyń tsıfrlyq daǵdylaryn ıgerýge baǵyttalǵan birlesken ǵylymı-zertteý jáne bilim berý jobalaryn iske asyrýǵa yqpal etetin bolady. Tehnologııalar men ınnovatsııalar salasyndaǵy álemdik kóshbasshy bolyp tabylatyn Huawei kompanııasy da ozyq sheshimderdi, «jasyl» energetıkany damytý men qoldaýda buryn-sońdy bolmaǵan tájirıbeni usynýǵa daıyn.
«Yntymaqtastyq týraly kelisim ınnovatsııalarǵa, adamı kapıtaldy damytýǵa, retteýdi jetildirýge jáne ekonomıkalyq básekege qabilettilikke basa nazar aýdara otyryp, eldiń energetıkalyq sektoryn jańǵyrtýǵa baǵyttalǵan. QR Energetıka mınıstrligi Qazaqstannyń energetıkalyq sektoryn sapaly qaıta qurý jáne «jasyl» tehnologııalardy engizý baǵytynda jumys istep jatyr, jáne bul rette Huawei kompanııasy eldiń energetıkalyq sektoryn tsıfrlyq transformatsııalaýǵa óz úlesin qosýǵa daıyn. Bul áriptestik Qazaqstannyń neǵurlym ornyqty, tehnologııalyq damyǵan jáne tsıfrlyq múmkindiktermen jaraqtandyrylǵan energetıkalyq bolashaǵyn qalyptastyrýǵa baǵyttalǵan múmkindikterdiń jańa dáýirin bildiredi», - dep atap ótti Huawei Technologies Kazakhstan Bas dırektorynyń orynbasary Farıda Toleýbaeva.
Qazaqstan Respýblıkasynyń Energetıka mınıstrligi men Huawei kompanııasy arasyndaǵy Ózara yntymaqtastyq týraly memorandýmǵa qol qoıý energetıka sektoryndaǵy oń ózgeristerdi yntalandyrý úshin tehnologııalardyń múmkindikterin paıdalaný jolyndaǵy eleýli qadamdy bildiredi. Joǵary tehnologııalyq sheshimder men quraldardy engizý ınnovatsııalarǵa, ekologııalyq turaqtylyqqa jáne eldiń ekonomıkalyq damýyna yqpal ete otyryp, Qazaqstannyń energetıkalyq landshaftyna uzaq merzimdi áser etedi.
