QR Energetıka mınıstri Maǵzum Myrzaǵalıev Shymkent qalasyndaǵy kásiporyndardyń jumysymen tanysty
«Hill Corporation» JShS bolǵan Maǵzum Maratuly kásiporynnyń jumysymen tanysty. Búginde óndiris ornynda maılaý materıaldary shyǵýda. Bul baǵytta ozyq tehnologııalar men sapaly shıkizat paıdalanylyp keledi. Jalpy somasy 3,3 mlrd teńge bolatyn joba qýattylyǵyna sáıkes jylyna 72 myń tonna maılaý materıaldaryn óndiredi. Daıyn ónimderdi Qyrǵyzstan, Ózbekstan, Qytaı, Iran, Reseı, Ýkraına jáne basqa da elderge eksporttaý josparlanyp otyr.
Sondaı-aq, Maǵzum Myrzaǵalıev «Shymkent Hımııa Kompanııasy» JShS bolyp, metıl-tret-býtıl efırin óndiretin zaýyt salý jobasymen tanysty.
Munda K4 jáne K5 ekologııalyq synyptaryndaǵy benzın óndirýdi jalǵastyrý úshin Shymkent munaı óńdeý zaýytynan oktan arttyratyn qospalarǵa qajetti metıl-tret-býtıl efıri óndirisi uıymdastyrylmaq. Jalpy quny 13,7 mlrd teńge bolatyn joba boıynsha 650 astam turǵyn jumysmen qamtylady dep kútilýde.
Maǵzum Myrzaǵalıev «Petro Kazakhstan Oil Products» JShS bolyp, munaı óńdeý zaýytynyń óndiristik kórsetkishter josparyn oryndaý jáne óndiristik qýatyn keńeıtý máseleleri boıynsha keńes ótkizdi.
- Búgingi kúni Shymkent munaı óńdeý zaýyty elimizdegi turaqty jumys istep kele jatqan birden bir kásiporyn. Biz búgin óndiris ornynyń qýattylyǵyn arttyrý maqsatyndaǵy aldaǵy jumys josparyn talqylaımyz, - dedi QR energetıka mınıstri.
Jıynda Shymkent munaı óńdeý zaýytynyń qýattylyǵyn arttyrý máselesin zertteý baǵytyndaǵy jumystar jan jaqty talqylandy. Mamandar jumys josparymen tanystyryp, kútiletin nátıjelerdi aıtyp ótti. Sonymen qatar, munaı óńdeý zaýytyn keńeıtý kezinde munaıdy tasymaldaýdy qamtamasyz etý sharalary qarastyryldy.
Keńes qorytyndysy boıynsha mınıstr zaýyttyń qaıta óńdeý qýattylyǵyn ulǵaıtýdyń tehnıkalyq ekonomıkalyq negizdemesin ázirleýge qazirden bastap kirisý kerektigin aıtty. Sondaı-aq, «Petro Kazakhstan Oil Products» JShS óńdeý qýattylyǵyn keńeıtýdiń barlyq kezeńderiniń merzimderin ońtaılandyrý kerektigin tapsyrdy.
Qumkól jáne Aqtóbe ken oryndary tobynda munaı óndirýdiń tómendeýi aıasynda jetkiziletin munaıdyń qolaıly sapalyq sıpattamalaryn qamtamasyz etý jónindegi is-sharalardyń oryndalýyn erekshe baqylaýǵa alý kerektigine toqtaldy.
