QR Energetıka mınıstri dızel otyny qashan arzandaıtynyn aıtty
Bul týraly QR Energetıka mınıstri Qanat Bozymbaev málim etti.
«Ózderińiz bilesizder, eki aı buryn dızel otynyna qatysty tıisti sheshim qabyldadyq. Qazirgi tańda otyn baǵasy naryqtaǵy jaǵdaıǵa baılanysty qalyptasady, eger de naryqta suranys joǵary bolsa, baǵa kóteriledi. Dızel otyny bizde de óndiriledi, sondaı-aq Reseıden de jetkiziledi. Dızel baǵasy boıynsha aǵymdaǵy aı kúrdeli bolady, óıtkeni búginde otynnyń kóp bóligi aýyl sharýashylyǵyna baǵyttalýda. Atap aıtqanda, bıyl elimizde astyq shyǵymdylyǵy da joǵary»,-dedi mınıstr Úkimet otyrysynan keıingi baspasóz máslıhatynda.
Osy rette ol dızel otynynyń baǵasy qashan tómendeıtinin jetkizdi.
«Meniń oıymsha, kelesi aıdan bastap dızel otynynyń baǵasy tómendeýi múmkin. Sebebi, sol kezde suranys ta azaıady»,-dep túıindedi sózin Qanat Bozymbaev.
