QR Eńbek jáne halyqty áleýmettik qorǵaý mınıstrliginiń jańa basshysy taǵaıyndaldy
Bul týraly Aqordanyń baspasóz qyzmeti tvıtterde habarlaıdy.
QazAqparat anyqtamasy: Ábdenov Serik Saqbaldyuly Qaraǵandy oblysynda 1977 jyly 15 qańtarda dúnıege keldi, ulty - qazaq.
1998 jyly zańger mamandyǵy boıynsha Qazaqstan quqyqtaný jáne halyqaralyq qatynastar ınstıtýtyn úzdik bitirgen. 2004 jyly ekonomıst mamandyǵy boıynsha Kazpotrebsoıýz Qaraǵandy ekonomıkalyq ýnıversıtetin támamdady.
1998 jyldan 2000 jylǵa deıin QR Ádilet mınıstrliginde bas maman, normatıvtik quqyqtyq aktilerdi tirkeý basqarmasy bóliminiń bastyǵy bolǵan.
2000-2003 jyldar aralyǵynda Qazaqstan Respýblıkasynyń Syrtqy ister mınıstrliginde zańdy ekspertıza bóliminiń bastyǵy, baqylaý jáne qujataınalym basqarmasynyń bastyǵy, QR ІІM apparatynyń jetekshisiniń orynbasary laýazymynda qyzmet atqarǵan.
2003 jyldan 2004 jylǵa deıin kommertsııalyq qurylymdarda eńbek etti.
2004 jyldan bastap - Qazaqstan Respýblıkasy Eńbek jáne halyqty áleýmettik qorǵaý mınıstrliginde dırektor orynbasary, odan ári Eńbek jáne halyqty jumyspen qamtý departamentiniń dırektory laýazymynda qyzmet atqardy.
2007 jyldyń qarashasynan bastap Qazaqstan Respýblıkasy Eńbek jáne halyqty áleýmettik qorǵaý mınıstrliginiń vıtse-mınıstri bolyp taǵaıyndaldy.
2009 jyldyń 6 naýryzynan bastap osy ýaqytqa deıin Shyǵys Qazaqstan oblysy ákiminiń orynbasary bolyp eńbek etti.