QR Eńbek jáne halyqty áleýmettik qorǵaý mınıstrligi balalar psıhonevrologııalyq medıtsınalyq-áleýmettik mekemesin 30 jyldyǵymen quttyqtady
TANA. 17 qyrkúıek. QazAqparat - Qazaqstan Respýblıkasynyń Eńbek jáne halyqty áleýmettik qorǵaý vıtse-mınıstri Serik Ahmetov Astana qalasy «Balalar psıhonevrologııalyq medıtsınalyq-áleýmettik mekemesiniń» ujymyn otyzjyldyq mereıtoıymen quttyqtady, dep habarlady vedomstvonyń baspasóz qyzmeti.
16 qyrkúıekte ol vedomstvo atynan tárbıelenýshilerge teledıdar syılap, medıtsınalyq-áleýmettik mekemeniń úsh qyzmetkerine QR Eńbek jáne halyqty áleýmettik qorǵaý mınıstrliginiń qurmet gramotasyn tabystady.
Іs-sharaǵa Astana qalasy ákiminiń orynbasary Aıda Balaeva, jumyspen qamtýdy úılestirý jáne qalalyq áleýmettik baǵdarlamalar basqarmasynyń bastyǵy Alma Altybaeva qatysty.
Densaýlyǵy jaǵynan múmkindigi shekteýli balalar árdaıym Qazaqstan Respýblıkasynyń áleýmettik qorǵaý organdarynyń erekshe nazaryna alynǵan. Jyl saıyn balalar múgedektigi máselesin sheshýge baǵyttalǵan túrli konferentsııalar, dóńgelek ústelder, semınarlar ótedi. Qazirgi tańda Astana qalasynyń medıtsınalyq-áleýmettik mekemesinde 183 múmkindikteri shekteýli bala bar, onyń ishinde 116 bala statsıonar jaǵdaıynda, 67 - bala kúndizgi bólimde arnaýly áleýmettik qyzmet alyp otyr.
Osy mekemede 2006 jyly otbasynda tárbıelenip jatqan múgedek balalar úshin kúndizgi bólimshe ashyldy. Bul óte mańyzdy oqıǵa, sebebi joba balalardyń otbasynda qalýyna kómek kórsetýge, áleýmettený daǵdylaryn alý jáne ońaltýǵa qoldaý kórsetý, óziniń damý deńgeıin arnaıy túzetý-bilim baǵdarlamalary boıynsha kóterýge jáne búgingi ómirge beıimdelip, óziniń múmkindikterin tolyq ashyp, júzege asyrýǵa baǵyttalǵan.
Atalǵan joba halyqty áleýmettik qorǵaý salasyndaǵy arnaýly áleýmettik qyzmet kórsetý standartyn ázirleýge negiz boldy.
Elimiz boıynsha qazirgi kezde 58,8 myń múgedek bala bar, onyń ishinde 2 myńnan astamy 17 balalar psıhonevrologııalyq medıtsınalyq-áleýmettik mekemesinde, 250 astam bala tirek qımyl apparaty buzylǵan balalarǵa arnalǵan 3 medıtsınalyq-áleýmettik mekemede turady. Qazaqstannyń 13 aýmaǵynda psıhonevrologııalyq aýytqýlary bar múgedekterge jáne múgedek balalarǵa arnalǵan 22 kúndizgi bólimsheler quryldy. 14 myń psıhonevrologııalyq aýytqýlary bar múgedekterge jáne múgedek balalarǵa qyzmet kórsetilip jatqan 160 úıde áleýmettik kómek kórsetý bólimshesi jumys isteıdi.
