QR eńbek jáne halyqty áleýmettik qorǵaý mınıstri Qaraǵandy oblysynda júr

Jumys saparynyń maqsaty - eldiń zeınetaqy júıesin aldaǵy jańartýdyń mán-jaıyn túsindirý bolmaq.

«Premer-Mınıstrdiń sheshimimen Úkimettiń barlyq músheleri respýblıka aımaqtaryna jiberildi. Osy tapsyrmaǵa sáıkes men Qaraǵandy oblysyna keldim», - dedi S.Ábdenov.

Búgin mınıstr Temirtaý men Qaraǵandyda kezdesýler ótkizdi, onda veldomstvo basshysy zeınetaqymen qamtamasyz etýdi aldaǵy jańartý maqsattary men mindetteri týraly áńgimeledi. S.Ábdenov sondaı-aq eki qalada «Nur Otan» HDP qoǵamdyq qabyldaýlarynda azamattardy qabyldaý júrgizdi.

Erteń osyndaı kezdesý Jezqazǵanda josparlanyp otyr, dep habarlady mınıstr.

Ókimet oryndarynyń málimetteri boıynsha, Qaraǵandy oblysynda búginde 183 myń zeınetker turady, bul aımaq halqy jalpy sanynyń 13 paıyzǵa jýyǵyn quraıdy.