QR Eńbek jáne halyqty áleýmettik qorǵaý mınıstri BUU-nyń arnaıy baıandamashysy Rakel Rolnıkpen kezdesti

Bul aqparatty atalǵan vedomstvonyń baspasóz qyzmeti taratyp otyr.

Sondaı-aq vedomstvonyń habarlaýynsha, atalǵan sharaǵa Eńbek jáne halyqty áleýmettik qorǵaý mınıstrliginiń ókilderi, BUU tarapynan adam quqyǵy jónindegi maman Stefano Sensı, Ortalyq Azııa boıynsha Adam quqyǵy jónindegi joǵary komıssııa basqarmasy óńirlik bólimshesiniń baǵdarlamalar úılestirýshisi Saltanat Sadyqova, QR Qurylys isteri jáne turǵyn úı -kommýnaldyq sharýashylyq agenttigi Kommýnaldyq sharýashylyq departamentiniń dırektory Vasılıı Maslov jáne basqalar qatysty.

Kezdesý barysynda kóshi-qon zańnamasyna, eńbek etip júrgen mıgranttar quqyna, áleýmettik kórsetkishterge, atap aıtqanda, jumyssyzdyq, ómir súrý deńgeıi, tabystardyń teńsizdigi, eńbekaqy tóleý syndy mınıstrliktiń quziretine kiretin máseleler talqylandy. Sonymen qatar zeınetaqymen qamtamasyz etý jáne áleýmettik saqtandyrý saıasaty ári parametrleri, formaldy emes jáne ózin-ózi jumyspen qamtyp otyrǵan turǵyndardy áleýmettik qorǵaý, múmkindigi shekteýli adamdar quqyǵyna qatysty kepildik syndy máseleler de jeke áńgimeniń arqaýyna aınaldy. Genderlik saıasat, ana men balany qorǵaý, balalar quqyǵyn qorǵaý jaıttary da taraptardyń nazarynan tys qalmady.

Kezdesý barysynda BUU ekspertteri barlyq saýaldaryna tuşymdy jaýap aldy.