QR eńbek sińirgen bapkeri Sergeı Serikov qaıtys boldy
ASTANA. QazAqparat - Búgin QR eńbek sińirgen bapkeri, pedagogıkalyq ǵylymdar kandıdaty, «Ertis-PMHZ» BK dırektory Sergeı Serikov 67 jasyna qaraǵan shaǵynda kóz jumdy. Bul týraly respýblıkalyq basketbol federatsııasynan habarlady.
Sergeı Fılıppovıch Serikov 1983 jyldan bastap Qazaqstan halqy spartakıadasynyń turaqty jeńimpazy bolyp tabylady. 1997-2007 jyldar aralyǵynda Qazaqstan quramasynyń bas bapkeri bolyp jumys jasady. Onyń basshylyǵymen eldiń ulttyq drýjınasy B toby komandasy arasynda eki dúrkin Azııa chempıonatynyń jeńimpazy, Ortalyq Azııa oıyndarynyń úsh dúrkin jeńimpazy atandy. Ol basqarǵan «Ertis-PMHZ» áıelderge arnalǵan basketbol komandasy 15 ret Qazaqstan chempıony bolyp, QR Kýbogyn 4 ret jeńip aldy.
Respýblıkalyq basketbol federatsııasy, Sergeı Serikov Pavlodar oblysynda jáne Qazaqstanda áıel basketbolynyń damýyna orasan úles qosqanyn atap ótti.
