QR Eńbek mınıstrligi 2014 jyly áleýmettik tapsyrys aıasynda úkimettik emes uıymdarǵa 800 mln. teńge bóledi
ASTANA. 20 qyrkúıek. QazAqparat - QR Eńbek jáne halyqty áleýmettik qorǵaý mınıstrligi 2014 jyly áleýmettik tapsyrys aıasynda eldegi úkimettik emes uıymdarǵa (ÚEU) 800 mln. teńgege jýyq qarajat bóledi. Bul týraly búgin astanada respýblıkalyq ÚEU-men ótken semınarda vedomstvo basshysy Tamara Dúısenova málim etti.
«Biz jylda halyqtyń osal toptaryna arnaıy áleýmettik qyzmetter usynatyn ÚEU-larǵa bıýdjetten qarajat bólýdi qarastyramyz. Bıyl 715 mıllıon teńge bólindi. Kelesi jyly biz 800 mln. teńgege jýyq qarjy qarastyrýdy josparlaýdamyz», - dedi mınıstr T.Dúısenova. Onyń sózine qaraǵanda, mınıstrlik BUU-nyń Damý baǵdarlamasynyń jumystary aıasynda arnaıy áleýmettik qyzmetter usynatyn 47 ÚEU-men áriptestik ornatqan. «Qazirgi tańda atalmysh arnaıy qyzmettermen elde 2,5 myńnan astam bala qamtylyp otyr», - dep atap ótti T.Dúısenova.
