QR Elshisi Tájikstan prezıdentiniń syrtqy saıasat jónindegi memlekettik keńesshisimen kezdesti
ASTANA. 6 qazan. QazAqparat. 6 qazanda Qazaqstan Respýblıkasynyń elshisi Aǵybaı Smaǵulov Tájikstan Respýblıkasy prezıdentiniń syrtqy saıasat jónindegi memlekettik keńesshisi Erkın Rahmatýlloevpen kezdesý ótkizdi, dep habarlaıdy mınıstrliktiń baspasóz qyzmeti.
Kezdesý barysynda Qazaqstan men Tájikstan arasyndaǵy saıası, ekonomıkalyq jáne mádenı-gýmanıtarlyq salalardaǵy yntymaqtastyqtyń qazirgi kezdegi jaı-kúıi men keleshegine basa nazar aýdaryldy.
Kelissózder kezinde taraptar ınvestıtsııalyq jáne saýda-ekonomıkalyq yntymaqtastyq belsendiligin ekonomıkanyń túrli salalarynda jumys istep jatqan qazaqstan-tájik kompanııalaryna naqty járdem kórsetý arqyly arttyrýdyń qajettigin atap aıtty.
