QR Elshisi Mońǵolııa Prezıdentine senim gramotalaryn tabystady

ULANBATYR. QazAqparat - Qazaqstan Respýblıkasynyń Mońǵolııadaǵy Elshisi Jalǵas Ádilbaevty senim gramotalaryn tabystaý úshin Mońǵolııanyń Prezıdenti Haltmaagıın Battýlga qabyldady, dep habarlaıdy QazAqparat.

«Kezdesý barysynda Mońǵolııanyń Basshysy qazaq-mońǵol elderi arasynda qalyptasqan dostyq qarym-qatynastar men ózara senim ahýalyn, sondaı-aq óńirlik jáne jahandyq kún tártibindegi negizgi máseleler boıynsha eki memlekettiń yntymaqtastyǵyn atap ótti», - delingen QR elshiligi taratqan habarlamada.

Budan bólek, saýda-ekonomıkalyq yntymaqtastyq, kóliktik-logıstıkalyq, aýyl sharýashylyǵy jáne mádenı-gýmanıtarlyq salalardaǵy ekijaqty yntymaqtastyqtyń ózekti máseleleri, sondaı-aq asa joǵary jáne joǵary deńgeıdegi bolashaqtaǵy ózara saparlar talqylandy.

Kezdesý sońynda H.Battýlga Elshige Qazaqstan-Mońǵolııa yntymaqtastyǵyn nyǵaıtý úshin tabysty jumys jáne jemisti eńbek tiledi.