QR Elshisi Iordanııa josparlaý jáne halyqaralyq yntymaqtastyq mınıstrine Elbasy Joldaýynyń basty qaǵıdattary týraly áńgimeledi
ASTANA. Naýryzdyń 5-i. QazAqparat - Iordanııanyń astanasy - Ammanda Qazaqstannyń Iordanııa Hashımıt Koroldigindegi Tótenshe jáne Ókiletti elshisi Bolat Sársenbaev eldiń Josparlaý jáne halyqaralyq yntymaqtastyq mınıstri Jaǵfar Hasanmen kezdesti,
dep habarlaıdy Elshiliktiń baspasóz qyzmeti.
Kezdesý barysynda qazaqstandyq dıplomat Qazaqstan Respýblıkasynyń Prezıdenti N.Nazarbaevtyń Qazaqstan halqyna arnaǵan Joldaýyndaǵy negizgi qaǵıdalar jóninde aıtyp berdi, sonymen qatar ekijaqty yntymaqtastyqtyń damý joldary talqylandy, elimizdiń EQYU tóraǵalyǵyndaǵy basty ustanymdary áńgime boldy.
Suhbat barysynda Elshi ıordandyq mınıstrge, ótken jyldyń qarasha aıynda Iordanııa Koroli Abdalla ІІ bın Hýseınniń Qazaqstan Respýblıkasynyń Prezıdenti N.Nazarbaevpen resmı sapar barysynda bolǵan kezdesýi eki dostas memleket arasyndaǵy ekijaqty qatynastarǵa qýatty serpin bergeni jáne túrli salalar boıynsha qol jetken ýaǵdalastyqtar jóninde baıandady. Eki memleket arasyndaǵy saýda-ekonomıkalyq jáne ınvestıtsııalyq salalarda jańa qarym-qatynastardy ornatý men jandandyrý úshin qazaqstandyq áriptestermen tyǵyz baılanys ornatýdyń qajettiligi atalyp ótti. Osy oraıda, taraptar arasyndaǵy múmkindikterdi meılinshe paıdalanyp, atap aıtqanda Iordanııanyń temir jol qurylysyn salý jáne energetıkaǵa qatysty iri jobalarǵa Qazaqstannyń da atsalysýy jóninde áńgime boldy.
Óz kezeginde, Jaǵfar Hasan eki el arasyndaǵy bolyp jatqan yntymaqtastyqtyń tabysty bolýyna tilek bildirip, óz mınıstrligi tarapynan árdaıym qoldaý bolatynyn aıtyp, Qazaqstan Prezıdentiniń jańa Joldaýy eldiń taıaýdaǵy onjyldyqtaǵy ekonomıkalyq saıasatyn tujyrymdaǵan mańyzdy qujat ekendigin atap ótti.
