QR Elshiligi Jeńis kúnin toılaýǵa baılanysty Tashkentte birqatar sharalardy uıymdastyrdy

TAShKENT. 10 mamyr. QazAqparat /Qurmat Samarhan/ - Ózbekstan astanasynda Qazaqstan Elshiligi Uly Otan soǵysyndaǵy Jeńis kúnin atap ótý aıasynda birqatar is-sharalardy uıymdastyrdy.

Kúnniń alǵashqy jartysynda Ózbekstanda tirkelgen dıplomatııalyq mıssııalar basshylary Qazaqstan Elshiliginde bolyp, Shanhaı yntymaqtastyq uıymynyń 10 jyldyǵyna arnalǵan fotokórmeni tamashalady.

Sonymen qatar qazaqstandyq dıplomatııalyq ókildiktiń uıymdastyrýymen «Mýstakıllık» alańynda ornalasqan Qaıǵyryp otyrǵan ana eskertkishi janyndaǵy Máńgilik alaýǵa jáne Tashkenttegi «baýyrlastar zıratyna» gúl shoqtaryn qoıý rásimi bolyp ótti.