QR Elshiligi Sankt-Peterbýrgte zardap shekkenderdiń arasynda qazaqstandyqtardyń bar-joǵyn anyqtaýda
ASTANA. QazAqparat - Reseıdegi QR Elshiliginiń ókilderi Sankt-Peterbýrgtaǵy metroda bolǵan jarylys saldarynan qaza tapqandar men zardap shegýshilerdiń arasynda Qazaqstan azamattarynyń bar-joǵy týraly aqparatty tekserýde, dep habarlaıdy «QazAqparat» HAA tilshisi.
«Qazirgi tańda qazaqstandyq dıplomattar qaza tapqandar men zardap shegýshilerdiń arasynda Qazaqstan azamattarynyń bar-joǵy týraly aqparatty tekserýde. Barlyq qajetti aqparatty táýlik boıy +7 812 33 52 544 jedel jelisi arqyly alýǵa bolady, Sankt-Peterbýrgtegi QR Bas konsýldyǵy», - delingen QR Elshiliginiń habarlamasynda.
Sonymen qatar, Qazaqstan Respýblıkasynyń Reseı Federatsııasyndaǵy Elshiligi adam ólimine ákep soqqan Sankt-Peterbýrg metropolıtenindegi qaıǵyly jarylysqa baılanysty kóńil aıtady.
Eske sala keteıik, búgin Sankt-Peterbýrg metrosynda jarylys bolyp, 10 adam qaza tapty.
