QR Elshiligi Máskeýde ınsýlt alǵan Qazaqstan azamatyn avıatsııamen elge jetkizdi
«Eshaıl úshin Reseıge jumys sapary oqys aıaqtaldy. Er adam Reseı astanasyndaǵy zaýyttardyń birinde joný stanogymen jumys isteý kezinde ınsýlt aldy. Aýyr syrqattyń saldarynan sol jaq bóligi túgel jansyzdanyp qalǵan. Jedel járdem ony essiz kúıde aýrýhanaǵa alyp ketken. Máskeý aýrýhanasynda eki aıǵa jýyq ýaqyt jatqan ol, Qazaqstan Respýblıkasynyń Reseı Federatsııasyndaǵy Elshiliginiń Konsýldyq bólimshesine kómek surap habarlasty», - delingen QR-dyń RF-daǵy elshiliginiń resmı saıtynda.
Kóp uzamaı dıplomatııalyq ókildiktiń aralasýymen naýqas avıakólikpen Almatydaǵy aýrýhanalardyń birine jetkizilgen.
«Konsýldyq qyzmetkeriniń ilesip júrýimen Eshaıl Jakýpbaev Otanǵa aman-esen jetkizilip, medıtsına qyzmetkerleriniń qolyna tapsyryldy», - dedi elshilikten.