10:51, 24 Maýsym 2023 | GMT +6
QR Elshiligi el azamattaryna Reseıdiń Ýkraınamen shekaralas aımaqtaryna barmaýyn eskertti
ASTANA. QazAqparat - Qazaqstan Respýblıkasynyń Reseı Federatsııasyndaǵy elshiligi Qazaqstan azamattaryn Reseıdiń Ýkraınamen shekaralas aımaqtaryna barýdan bas tartýyn eskertip, úndeý jarııalady, dep habarlaıdy QazAqparat.
«Reseıdiń Ýkraınamen shekaralas aımaqtarynda oryn alyp otyrǵan qaýipsizdik jaǵdaılaryna baılanysty, atalǵan aımaqtarǵa barýdan bas tartýdy suraımyz.
Reseı Federatsııasynda, ásirese Ýkraınamen shekaralas aımaqtarda júrgen elimizdiń barlyq azamattarynan Qazaqstannyń Reseıdegi Elshiliginde konsýldyq esepke turýlaryńyz mindetti túrde usynylady (konsýldyq esepke silteme boıynsha onlaın turýǵa bolady).
Tótenshe jaǵdaılar týyndaǵan jaǵdaıda Qazaqstan Respýblıkasynyń azamattaryna bar qajetti kómek pen qoldaý kórsetiletin bolady.
QR RF Elshiliginiń jedel jeli telefony: +7-925-897-71-14» delingen Qazaqstan Respýblıkasynyń Reseı Federatsııasyndaǵy elshiligi joldaǵan resmı habarlamada.
