QR «elektrondyq úkimeti» Dýbaıdaǵy halyqaralyq kórmede tanystyryldy
ASTANA. 11 qazan. QazAqparat - Búgin Birikken Arab Ámirliginde ótken «GITEX TECHNOLOGY WEEK 2011» halyqaralyq kórme aıasynda QR Baılanys jáne aqparat mınıstrligi «Zerde» Holdıngi» AQ-men birlesip, qazaqstandyq «elektrondyq úkimettiń» tanystyrylymyn ótkizdi.
QR BAM Elektrondy qyzmetterdi damytý basqarmasynyń bastyǵy Janat Sádýaqasovanyń aıtýynsha, Qazaqstan «elektrondyq úkimetti» halyqaralyq arenada alǵash ret tanystyrdy. Kórmege qatysý - «elektrondyq úkimetti» engizý baǵytyndaǵy jumystardyń nátıjesin pash etýge, baılanystardy keńeıtip, ózge elderdegi áriptestermen tájirıbe almasýǵa jaqsy múmkindik.
Kórmege qatysýshylar egov.kz jobasynyń qurylý tarıhymen, búginde portal arqyly qol jetimdi servıster men qyzmetter týraly sondaı-aq, ázirleýshilerdiń ony jetildirý boıynsha aldaǵy josparlarymen tanysa aldy.
Sheteldik sarapshylar Qazaqstanda «elektrondyq úkimettiń» joǵary damý qarqynyn atap óte kele, nebári 5 jyldyń ishinde alǵashqy aqparattyq kezeńnen, tórtinshi - ıntegratsııalyq kezeńge deıin jetkendigin aıtty.
Eske salsaq, búgingi kúni wwwHYPERLINK "http://www.egov.kz/".HYPERLINK "http://www.egov.kz/"egovHYPERLINK "http://www.egov.kz/".HYPERLINK "http://www.egov.kz/"kz portalynda 70-ten astam elektrondyq qyzmetter men servısterdi alýǵa bolady. Olardyń arasynda joǵary suranysqa ıeleri - jyljymaıtyn múlikke tirkelgen quqyqtar týraly jáne zeınetaqy tólemderi týraly anyqtamalar, Jeke áleýmettik kodtyń dýblıkatyn alý, Jolda júrý erejesin buzǵany úshin aıyppuldardy tóleý servısi.
GITEX Technology Week 2011 -9-13 qazan aralyǵynda BAÁ, Dýbaıda ótip jatqanGITEX Technology Week 2011 aqparattyq tehnologııalardyń belgili kórmesi jáne ındýstrııadaǵy ozyq ári beldi ekspo-alańy bolyp tabylady.
