QR ekonomıkasynda jumyspen qamtylǵandar sany jylyna 0,6%-ǵa artty - UEM
ASTANA. QazAqparat - Qazaqstan ekonomıkasynda jumyspen qamtylǵandar sany sáýir aıynda jylyna 0,6% ósimmen 8,6 mln. adamdy qurady, dep habarlaıdy www.primeminister.kz QR Ulttyq ekonomıka mınıstrliginiń Statıstıka komıtetine silteme jasap.
«Respýblıka ekonomıkasynda 2015 jylǵy mamyrda, baǵalaý boıynsha 8,6 mln adam jumyspen qamtyldy. Ótken jylǵy sáıkes kezeńge qaraǵanda olardyń sany 48,6 myń adamǵa nemese 0,6%-ǵa kóbeıdi», - delingen habarlamada.
Oǵan qosa, jaldamaly qyzmetkerlerdiń sany atalǵan kezeńde 6,1 mln adamdy nemese jumyspen qamtylǵandardyń jalpy sanynan 71,2% qurady.
«2015 jylǵy I toqsan derekteri boıynsha óz betinshe jumyspen qamtylǵandardyń jalpy sanynan jumyspen nátıjeli qamtylǵandar úlesi 76,5%, jumyspen nátıjesiz qamtylǵandar - 23,5% qurady», - dep naqtylady Statıstıka komıtetinde.
Budan ózge, statıstıka komıtetiniń málimetinshe, 2015 jylǵy mamyrda jumyssyzdar sany, baǵalaý boıynsha 455,6 myń adamdy, jumyssyzdyq deńgeıi 5,0% qurady. Jumyspen qamtý organdarynda 2015 jylǵy sáýir aıynyń sońyna 63,8 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,7%-yn qurady.
