QR ekonomıkasy ártaraptandyrý jáne ındýstrııalyq damý jolyna tústi - Úkimette jyl qorytyndysy qaraldy

Bul týraly Premerdiń Facebook-tegi paraqshasynda habarlanǵan.

Ekonomıkalyq damý jáne saýda mınıstri Qaırat Kelimbetovtiń aqparaty boıynsha, 11 aı ishinde JІÓ 7,5 paıyzǵa ósip, qysqa merzimdik ekonomıkalyq ındıkator 7,3 paıyzdy qurady.

«Aǵymdaǵy jyldyń basynan bergi elimizdiń ekonomıkalyq damý qorytyndysyn saraptaı otyra, Memleket basshysynyń Úkimet aldyna qoıǵan maqsattary men mindetteriniń júzege asyrylýy ekonomıkany údemeli damýymen qamtamasyz etýge múmkindik berdi dep aıtýǵa bolady», - dep málim etti Q.Kelimbetov.

«Aǵymdaǵy jyly JІÓ óńdeýshi ónerkásip pen qyzmet kórsetý salasynyń qarqyndy damý esebinen artqandyǵy ekonomıkanyń turaqtylyǵy men ártaraptandyrý jáne ındýstrııalyq damý jolyna shyqqandyǵyn bildiredi. Tutynýshylyq suranystyń ósýi - ekonomıkanyń artýyndaǵy mańyzdy faktorǵa aınaldy, oǵan bólshek saýda aınalymynyń jyl basynan beri 12,5 paıyzǵa artqany dálel bola alady. Sonymen qatar, elimizdiń barlyq óńirinde jeke saýda aınalym kólemi artqandyǵy baıqalady. Jyl basynan beri ekonomıkalyq belsendilik Indýstrııalandyrý kartasynyń aıasyndaǵy jobalardyń júzege asyrylý esebinen qamtylǵany baıqalǵan», - dep atap ótti Q.Kelimbetov.

Tek qana sandar:

Indýstrııalandyrý kartasyna jalpy quny 9,7 trln. teńge bolatyn 609 joba engizilgen, jobalar júzege asyrylǵan kezde 205 myń jumys ornyn, al jobalar paıdalanýǵa berilgen soń 180 myń jumys ornyn ashý josparlanǵan (Respýblıkalyq karta 142 joba, aımaqtyq Karta 469 joba). 2011 jyly jalpy quny 1 trln. teńge bolatyn 237 joba iske qosylyp, 20 myńnan astam jumys orny ashyldy;

-«Bıznestiń jol kartasy-2020» baǵdarlamasy boıynsha jalpy quny 251,4 mlrd. teńgeni quraıtyn 820 joba sýbsıdııa alýǵa maquldandy;

- ótken jyldyń sáıkes kezeńimen salystyrǵanda, syrtqy saýda aınalymy 39,7 paıyzǵa artyp, 101,1 mlrd. AQSh dollaryn qurady;

-taýarlardyń eksport kólemi 48,5 paıyzǵa (71,7 mlrd. dollar) artty. Import 22,4 paıyzǵa (29,4 mlrd. dollar) artty. Saýda balansynyń oń qaldyǵy 42,3 mlrd. dollardy qurady, bul 2010 jyldyń sáıkes kezeńimen salystyrǵanda 1,7 esege kóp;

-aǵymdaǵy jyldyń 10 aıynda Keden odaǵy elderimen ózara saýda aınalym 43,3 paıyzǵa (19,6 mlrd. dollar) artty, onyń ishinde eksport 51,4 paıyzǵa (6,2 mlrd. dollar), ımport 39,8 paıyzǵa (13,4 mlrd. dollar) kóbeıgen.

- sheteldik valıýtadaǵy (43,3 mlrd. AQSh dollary) Ulttyq qor aktıvterin qosa alǵanda elimizdiń halyqaralyq rezervi 27,3 paıyzǵa artyp, 75,4 mlrd. AQSh dollaryn qurady;

-Standard&Poor's ı Fitch agenttigi Qazaqstannyń táýelsiz reıtıngisin «VVV+» jáne sáıkesinshe «VVV» deńgeıne deıin jaqsartty.

Qosymsha aqparatpen www.pm.kz saıtynan tanys bola alasyzdar.