QR Ekonomıkalyq damý jáne saýda mınıstrliginiń buıryǵymen Qadaǵalanatyn saladaǵy /aıadaǵy/ óńirdegi strategııalyq maqsattar men mindetterge qol jetkizý jáne iske asyrý tıimdiligin baǵalaý jónindegi ádisteme bekitildi

QazAqparat qujattyń mátinin taratady.

 Qazaqstan Respýblıkasy Ekonomıkalyq damý jáne saýda mınıstriniń buıryǵy.

Astana qalasy, 2012 jyl 19 qańtar,  № 14 buıryq

Qadaǵalanatyn saladaǵy /aıadaǵy/ óńirdegi strategııalyq maqsattar men mindetterge qol jetkizý jáne iske asyrý tıimdiligin baǵalaý jónindegi ádistemeni bekitý týraly

Qazaqstan Respýblıkasy Prezıdentiniń 2010 jylǵy 19 naýryzdaǵy № 954 Jarlyǵymen bekitilgen Ortalyq memlekettik organdar men oblystardyń, respýblıkalyq mańyzy bar qalanyń, astananyń jergilikti atqarýshy organdary qyzmetiniń tıimdiligin jyl saıynǵy baǵalaý júıesiniń 25-tarmaǵyna sáıkes buıyramyn:

1. Qosymshaǵa sáıkes Qadaǵalanatyn saladaǵy/aıadaǵy/óńirdegi strategııalyq maqsattar men mindetterge qol jetkizý jáne iske asyrý tıimdiligin baǵalaý jónindegi ádisteme bekitilsin.

2. Strategııalyq josparlaý jáne taldaý departamenti (Á.Á.Baqaev) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń Qazaqstan Respýblıkasy Ekonomıkalyq damý jáne saýda mınıstrliginiń resmı ınternet-resýrsynda keıinnen jarııalanýyn qamtamasyz etsin.

3. Osy buıryqtyń oryndalýyn baqylaý Qazaqstan Respýblıkasynyń Ekonomıkalyq damý jáne saýda vıtse-mınıstri M.E. Ábilqasymovaǵa júktelsin.

4. Osy buıryq memlekettik tirkelgen kúninen bastap qoldanysqa engiziledi jáne resmı jarııalaýǵa jatady.

Mınıstr   Q. Kelimbetov

Buıryq Qazaqstan Respýblıkasynyń Ádilet mınıstrliginde 2012 jylǵy 20 qańtarda Normatıvtik quqyqtyq kesimderdi memlekettik tirkeýdiń tizilimine № 7389 bolyp engizildi.