QR Ekonomıkalyq damý jáne saýda mınıstriniń buıryǵymen Taýardyń shyǵarylýyn rastaıtyn qujattardyń tizbesi bekildi

QazAqparat qujattyń mátinin taratady.

Qazaqstan Respýblıkasy Indýstrııa jáne jańa tehnologııalar mınıstriniń buıryǵy

Astana qalasy, 2011 jyl 2 jeltoqsan, №411 buıryq

Taýardyń shyǵarylýyn rastaıtyn qujattardyń tizbesin bekitý týraly

 «Saýda-ónerkásip palatalary týraly» Qazaqstan Respýblıkasy Zańynyń 18-1-baby 2-tarmaǵynyń 3) tarmaqshasyna sáıkes
buıyramyn:

1. Qosa berilip otyrǵan taýardyń shyǵarylýyn rastaıtyn qujattardyń tizbesi bekitilsin.

2. «Taýardyń shyǵý tegin rastaıtyn qujattardyń tizbesin bekitý týraly» Qazaqstan Respýblıkasy Indýstrııa jáne jańa tehnologııalar mınıstriniń mindetin atqarýshysynyń 2010 jylǵy 17 qarashadaǵy № 388 (Normatıvtik quqyqtyq aktilerdi memlekettik tirkeý tizilimine № 6673 bolyp engizildi, «Egemen Qazaqstan» 2011 jylǵy 3 aqpandaǵy № 35 (26437) nómirinde jarııalanǵan) buıryǵynyń kúshi joıyldy dep tanylsyn.

3. Qazaqstan Respýblıkasy Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıteti zańnamada belgilengen tártipte (R.A. Sátbaev):
1) Qazaqstan Respýblıkasy Ádilet mınıstrliginde osy buıryqtyń memlekettik tirkelýin;
2) memlekettik tirkeýden keıin buqaralyq aqparat quraldarynda onyń resmı jarııalanýyn qamtamasyz etsin.

4. Osy buıryqtyń oryndalýyn baqylaý Qazaqstan Respýblıkasy Indýstrııa jáne jańa tehnologııalar vıtse-mınıstri Q.A. Týleýshınge júktelsin.

5. Osy buıryq birinshi resmı jarııalanǵan kúninen bastap on kúntizbelik kún ótken soń qoldanysqa engiziledi.

Qazaqstan Respýblıkasy Indýstrııa jáne jańa tehnologııalar mınıstriniń
mindetin atqarýshy                               A. Raý.

Buıryq Qazaqstan Respýblıkasynyń Ádilet mınıstrliginde 2012 jylǵy 9 qańtarda Normatıvtik quqyqtyq kesimderdi memlekettik tirkeýdiń tizilimine № 7372 bolyp engizildi.