QR EDSM tabıǵı monopolııalar qyzmetine tarıfter qalyptastyrý tetikterin jetildirýi qajet - Q.Kelimbetov
ASTANA. 31 qańtar. QazAqparat /Marlan Jıembaı/ - Ekonomıkalyq damý jáne saýda mınıstrligi tabıǵı monopolııalar qyzmetine tarıfterdi qalyptastyrý tetikterin jetildirýi qajet.
Bul týraly búgin atalǵan mınıstrliktiń 2011 jyldaǵy negizgi nátıjeleri men 2012 jylǵy mindetterine arnalǵan alqa májilisinde QR Premer-Mınıstriniń orynbasary Qaırat Kelimbetov aıtty.
Atalǵan qyzmettiń ótken jyldan beri Ekonomıkalyq damý jáne saýda mınıstrligine bekitilgenin basa aıtqan ol: «Meniń kózqarasymsha, bul jerde «Samuryq-Qazyna» qorymen tyǵyz ózara árekettestik bolýy qajet. Óıtkeni olarda osy máselege qatysty sáıkes usynystar bar», - dedi.
Sonymen qatar Q.Kelimbetov tabıǵı monopolııalar qyzmetindegi tarıfterdi jaqsartý boıynsha birlesken konsýltatsııalar ótkizý jóninde el Úkimeti men Eýropalyq damý jáne qaıta qurý banki ýaǵdalasqandyǵyn basa aıtty.
