QR EDSM Óńirlik damý komıtetiniń tóraǵasy bolyp Asqar Qalıev taǵaıyndaldy
TANA. 6 qyrkúıek. QazAqparat - QR Ekonomıkalyq damý jáne saýda mınıstrliginde jańadan qurylǵan Óńirlik damý komıtetiniń tóraǵasy bolyp Qalıev Asqar Ǵanıuly taǵaıyndaldy, dep habarlady atalǵan vedomstvonyń baspasóz qyzmetinen.
Memleket basshysynyń 10 tamyzdaǵy «Qazaqstan Respýblıkasynyń memlekettik basqarý júıesin odan ári jetildirý boıynsha sharalar týraly» Jarlyǵyna sáıkes Ekonomıkalyq damý jáne saýda mınıstrligi qurylymynda Kásipkerlikti damytý komıteti quryldy.
QazAqparat anyqtamasy: Qalıev Asqar Ǵanıuly 1972 jyly týǵan. Ál-Farabı atyndaǵy Qazaq memlekettik ulttyq ýnıversıtetin, Qazaq memlekettik agrarlyq ýnıversıtetin bitirgen, sondaı-aq, Grand Kanon ýnıversıtetiniń (AQSh) túlegi.
1995-2000 jyldary QR Syrtqy ister mınıstrliginde qyzmet etken. 2000-2001 jyldary - QR Kólik jáne kommýnıkatsııa mınıstrliginiń Syrtqy baılanystar departamenti Kópjaqty yntymaqtastyq basqarmasynyń bastyǵy. 2001-2006 jyldary - QR Prezıdenti Ákimshiliginiń uıymdastyrý-baqylaý bóliminiń bas ınspektory. 2006-2007 jyldary - «Eksportty kredıtterdi jáne ınvestıtsııalardy saqtandyrý jónindegi memlekettik saqtandyrý korporatsııasy» AQ Basqarmasynyń tóraǵasy. 2007-2009 jyldary - «Damý» kásipkerlikti damytý qory» AQ Dırektorlar keńesiniń tóraǵasy. 2009 jyldan bastap «Qazaqstannyń turǵyn úı qurylys jınaqtaýshy banki» AQ Basqarmasynyń tóraǵasy qyzmetin atqarǵan.
