QR EDSM Kásipkerlikti damytý komıtetiniń tóraǵasy bolyp Qaırat Áıtekenov taǵaıyndaldy
TANA. 6 qyrkúıek. QazAqparat - QR Ekonomıkalyq damý jáne saýda mınıstrliginde jańadan qurylǵan Kásipkerlikti damytý komıtetiniń tóraǵasy bolyp Áıtekenov Qaırat Medibaıuly taǵaıyndaldy, dep habarlady atalǵan vedomstvonyń baspasóz qyzmetinen.
Memleket basshysynyń 10 tamyzdaǵy «Qazaqstan Respýblıkasynyń memlekettik basqarý júıesin odan ári jetildirý boıynsha sharalar týraly» Jarlyǵyna sáıkes Ekonomıkalyq damý jáne saýda mınıstrligi qurylymynda Kásipkerlikti damytý komıteti quryldy.
QazAqparat anyqtamasy: Áıtekenov Qaırat Medibaıuly 1963 jyly týǵan, Almaty halyq sharýashylyǵy ınstıtýtynyń «eńbek ekonomıkasy», QR Prezıdenti janyndaǵy Memlekettik basqarýdyń ulttyq joǵarǵy mektebin «memlekettik basqarý» mamandyǵy boıynsha támamdaǵan.
1993-1996 jyldary aralyǵynda Qostanaı oblysynyń basqarý organdarynda qyzmet etken. 1997-1998 jyldary QR Strategııalyq josparlaý jáne reformalar agenttiginde jumys istedi. 1998-2002 jyldary aralyǵynda QR Qorshaǵan ortany qorǵaý mınıstrliginiń qurylymynda qyzmet etken, Qorshaǵan ortany qorǵaý komıtetin basqarǵan. 2003-2006 jyldary - QR Ekonomıka jáne bıýdjettik josparlaý vıtse-mınıstri. 2006-2007 jyldary - QR Týrızm jáne sport vıtse-mınıstri. 2007 jyldan bastap «Qazyna» ornyqty damý qory» AQ Memlekettik organdarmen jumys jáne operatsııalyq qyzmetter jónindegi basqarmasy tóraǵasynyń orynbasary bolyp qyzmet atqardy. 2008 jylǵy qarashadan bastap «Samuryq-Qazyna» UÁQ» AQ-nyń basqarýshy dırektory - basqarma múshesi bolyp taǵaıyndaldy. Sondaı-aq, «Damý» kásipkerlikti damytý qory Dırektorlar Keńesiniń tóraǵasy laýazymyn atqarǵan.
