QR EBJM-niń boljamynsha, birinshi jartyjyldyqta el ekonomıkasy 5 paıyzdyq ósim kórsetýi tıis
Bul týraly búgin 2013 jyldyń birinshi toqsanyndaǵy áleýmettik-ekonomıkalyq damý qorytyndylaryna arnalǵan QR Úkimetiniń otyrysynda Ekonomıka jáne bıýdjettik josparlaý mınıstri Erbolat Dosaev málim etti.
Aǵymdaǵy jyldyń birinshi toqsanynyń qorytyndysy boıynsha jalpy ishki ónim ósiminiń qarqyndaý úrdisi baıqalǵanyn atap ótken ol: «Ony saqtap qalǵan jaǵdaıda ekonomıkanyń ósýi birinshi jartyjyldyqta 5 paıyzdy quraýy tıis», - dedi.
Sonymen qatar mınıstrdiń sózine qaraǵanda, ótken jylǵy quldyraýdyń aıasynda maýsymdyq faktorlardy, onyń ishinde aýyl sharýashylyǵyn esepke alǵanda ekinshi jartyjyldyqta JІÓ-niń ósimi 6,8 paıyz bolatyndyǵy kútilýde. «Bul JІÓ ósýin jalpy jyl boıy josparlanǵan 6 paıyzdyq deńgeıde qamtamasyz etýge múmkindik beredi», - dedi E.Dosaev.