QR-dyń Japonııadaǵy Elshiliginiń bastamasymen ıAdrolyq synaqtarǵa qarsy halyqaralyq kúnine oraı «Semeı - Hırosıma» telekópiri ótkizildi
ASTANA. 27 tamyz. QazAqparat - Búgin QR-dyń Japonııadaǵy Elshiliginiń bastamasymen 29 tamyz - ıAdrolyq synaqtarǵa qarsy halyqaralyq kúni men Semeı ıadrolyq polıgonynyń jabylǵanyna 20 jyl tolýyna oraı «Semeı - Hırosıma» telekópiri ótkizildi.
Atalmysh shara Semeı memlekettik medıtsına ýnıversıteti men «Hırosıma-Semeı Prodjekt» atty úkimettik emes uıymynyń qoldaýymen júzege asyryldy, dep habarlaıdy QR SІM baspasóz qyzmeti.
Sharada eki eldiń bilikti ǵalymdary, ıadrolyq jáne radıatsııalyq qaýipsizdik salasyndaǵy sarapshylary jáne úkimettik emes uıymdar men BAQ ókilderi qatysty.
Telekópirge qatysýshylar 1991 jyly 29 tamyzda Semeı polıgonyn jabýǵa qatysty QR Prezıdenti N.Nazarbaevtyń tarıhı sheshiminiń mańyzdylyǵyn atap, ıadrolyq qarýdan óz erkimen bas tartqan Qazaqstannyń ǵalamdyq qaýipsizdikti qamtamasyz etýge qosyp otyrǵan úlesiniń erekshe ekenin aıtty.
Sharaǵa qatysýshylardyń pikirinshe, ıadrolyq qarýdan zardap shekken Qazaqstan men Japonııa ıadrolyq qarýsyz álem qalyptastyrýǵa baǵyttalǵan sharalarda jetekshilik etýge tolyq tarıhı jáne moraldyq quqyqqa ıe.
Telekópir barysynda qatysýshylar nazaryna Hırosıma qalalyq horynyń oryndaýynda japon tiline aýdarylǵan «Zaman-aı» ániniń beınejazbasy usynyldy.
Sonymen qatar shara sheńberinde «Hırosıma Machızýkýrı Plaza» mýltımedıalyq ortalyǵynda Semeı polıgonyndaǵy ıadrolyq synaqtardyń zardaptary men Qazaqstannyń ǵalamdyq qaýipsizdikti qamtamasyz etýge qosyp kele jatqan úlken úlesine arnalǵan arnaıy fotokórme uıymdastyryldy.
Sondaı-aq 29 tamyz - 5 qyrkúıek aralyǵynda QR Elshiligi men QR-dyń Kansaı aımaǵyndaǵy Qurmetti konsýldyǵynyń bastamasymen Osaka qalasynda ıAdrolyq synaqtarǵa qarsy halyqaralyq kúnine arnalǵan arnaıy fotokórme uıymdastyrylyp otyr.
