QR-dyń BUU Qaýipsizdik keńesine músheligi Ortalyq Azııanyń mańyzdy máselelerin halyqaralyq deńgeıde kóterýge múmkindik beredi - QR UǴA

ASTANA. QazAqparat - QR Ulttyq ǵylym akademııasy Memleket basshysyn, barsha qazaqstandyqtardy 2017-2018 jyldary BUU Qaýipsizdik keńesiniń turaqty emes músheligine saılanýymen quttyqtady.

«Bul bizdiń elimizdiń, qazaqstandyq dıplomatııanyń  tarıhı jetistigi.      

Qazaqstan kandıdatýrasynyń jeńýine Elbasy N. Á. Nazarbaevtyń halyqaralyq arenadaǵy jeke bedeliniń yqpal etkeni sózsiz.

Memleket basshysynyń mańyzdy halyqaralyq forýmdarǵa qatysýy, jahandyq jáne óńirlik qaýipsizdiktiń ózekti taqyryptary boıynsha sóz sóıleýi, ásirese, 2015 jyly BUU Bas Assambleıasynyń minberinde jáne 2016 jyly ıAdrolyq qarýsyzdanýdyń jahandyq sammıtinde aıtylǵan sońǵy bastamalarynyń oń yqpaly boldy.

Qazaqstannyń BUU Qaýipsizdik keńesiniń turaqty emes múshesi retinde saılanýy bizdiń elge qaýipsizdik salasyndaǵy aǵymdaǵy jahandyq kún tártibin qalyptastyrýǵa tikeleı qatysýǵa jáne Ortalyq Azııa óńiriniń mańyzdy máselelerin halyqaralyq deńgeıde kóterýge múmkindik beredi.

Biz atalǵan tarıhı oqıǵany Qazaqstannyń álemdik deńgeıdegi bedelin odan ári nyǵaıtýǵa yqpal etedi dep sanaımyz», delingen habarlamada.